ആലപ്പുഴ: ലോക പരിസ്ഥിതി ദിനത്തോടനുബന്ധിച്ച് സാമൂഹിക വനവത്കരണ വിഭാഗത്തിന്റെ നേതൃത്വത്തില് 1,70,000 വൃക്ഷത്തൈകള് നട്ടുപിടിപ്പിക്കുന്നതിന്റെയും ലോകപരിസ്ഥിതി ദിനാഘോഷത്തിന്റെയും ജില്ലാതല ഉദ്ഘാടനം ജില്ലാ പഞ്ചായത്ത് വൈസ് പ്രസിഡന്റ് ദലീമ ജോജോ നിര്വഹിച്ചു. പ്ലാസ്റ്റിക്കിന്റെ ഉപയോഗം പരമാവധി കുറച്ച് പ്രകൃതിയെ സംരക്ഷിക്കണമെന്ന് ദലീമ ജോജോ പറഞ്ഞു.
ആലപ്പുഴ സെന്റ് ജോസഫ്സ് ഹയര് സെക്കന്ഡറി സ്കൂളില് നടന്ന ചടങ്ങില് നഗരസഭാധ്യക്ഷന് തോമസ് ജോസഫ് അദ്ധ്യക്ഷത വഹിച്ചു. 2015ലെ വനമിത്ര പുരസ്കാരം ഫിറോസ് അഹമ്മദിന് ജില്ലാ പഞ്ചായത്ത് വൈസ് പ്രസിഡന്റ് സമ്മാനിച്ചു. വനമിത്ര പുരസ്ക്കാര ജേതാവ് കെ.വി. ദയാല് മുഖ്യപ്രഭാഷണം നടത്തി. വിദ്യാര്ത്ഥികള്, തദ്ദേശസ്വയംഭരണ സ്ഥാപനങ്ങള്, രാഷ്ട്രീയ പാര്ട്ടികള്, സന്നദ്ധ സംഘടനകള്, മതസ്ഥാപനങ്ങള്, സര്ക്കാര് – സ്വകാര്യസ്ഥാപനങ്ങള്, കര്ഷകര് എന്നിവരുടെ പങ്കാളിത്തത്തോടെ യാണ് വൃഷത്തൈകള് നടുന്നത്.
ചേര്ത്തല: കേരള പത്മശാലിയ സംഘം യുവജന വിഭാഗം ജില്ലാ കമ്മിറ്റിയുടെ ആഭിമുഖ്യത്തില് നടന്ന വൃക്ഷതൈ വിതരണം പ്രസിഡന്റ് അനൂപ് വേണു ഉദ്ഘാടനം ചെയ്തു. കുറുപ്പംകുളങ്ങര ശാഖ പ്രസിഡന്റ് എം. മുകേഷ് അദ്ധ്യക്ഷത വഹിച്ചു. ദീപു, എസ്. കണ്ണന്, സോമനാഥ പിള്ള, വിമോദ് എന്നിവര് സംസാരിച്ചു. ചേര്ത്തല തെക്ക് സര്വീസ് സഹകരണ ബാങ്കിന്റെ ആഭിമുഖ്യത്തില് പരിസ്ഥിതി ദിനാചരണത്തിന്റെ ഭാഗമായി ശുചീകരണ പ്രവര്ത്തനങ്ങള് നടത്തി. പ്ലാവിന് തൈകള് നട്ടു. മുറ്റത്തൊരു വേപ്പ് പദ്ധതിയും ഇതിന്റെ ഭാഗമായി നടപ്പാക്കും. പ്രസിഡന്റ് സി.വി. മനോഹരന് ഉദ്ഘാടനം ചെയ്തു. ബോര്ഡ് അംഗം കെ. അജയന് അദ്ധ്യക്ഷത വഹിച്ചു. പഞ്ചായത്തംഗം വിജയമ്മ ഗോപാലകൃഷ്ണന് മുഖ്യപ്രഭാഷണം നടത്തി. ജി. ദുര്ഗാദാസ്, ശോഭാ സുധാകരന്, സി.കെ. സരസമ്മ, എസ്. രഘുവരന്, സി.ബി. സുജാത, ഡി. ബാബു എന്നിവര് സംസാരിച്ചു.
കണ്ടമംഗലം ഹയര് സെക്കന്ഡറി സ്കൂളിലെ നാഷണല് സര്വീസ് സ്കീമിന്റെ ആഭിമുഖ്യത്തില് ദേശീയപാതയോരത്ത് മരങ്ങള് നട്ടു. തങ്കിക്കവലയിലെ മീഡിയന് വൃത്തിയാക്കി ഫലവൃക്ഷത്തൈകളും പൂച്ചെടികളും വെച്ചുപിടിപ്പിച്ചു. കണ്ടമംഗലം ക്ഷേത്രസമിതി പ്രസിഡന്റ് പി.ഡി. ഗഗാറിന് ഉദ്ഘാടനം ചെയ്തു. പ്രോഗ്രാം ഓഫീസര് അനില്, സ്കൂള് മാനേജര് പി.ജി. സദാനന്ദന്, രാമചന്ദ്രന് കൈപ്പാരിശേരി, ടി. ഉഷ, പി.ടി. രമേശ് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: