കണ്ണൂര്: കൊല്ലം അദ്ധ്യാപക കലാസഹിതിയുടെ പതിനൊന്നാമത് കൗമുദി ടീച്ചര് മാധ്യമ പുരസ്ക്കാരം കേരളകൗമുദി ഫഌഷ് കണ്ണൂര് ബ്യൂറോ ചീഫ് കെ.വി.ബാബുരാജന്. ജൂണ് 19ന് കൊല്ലം ടികെഎം കോളേജില് നടക്കുന്ന ചടങ്ങില് ഫിഷറീസ്, പരമ്പരാഗത വകുപ്പ് മന്ത്രി ജെ.മേഴ്സിക്കുട്ടിയമ്മ പുരസ്ക്കാരം വിതരണം ചെയ്യും. പ്രശസ്തി പ്രത്രവും ഫലകവുമാണ് സമ്മാനം. കാസര്കോട് ജില്ലയിലെ പിലിക്കോട് പഞ്ചായത്തില് എരവിലെ സ്വാതന്ത്രസമര സേനാനി പരേതനായ മുണ്ടവളപ്പില് കുഞ്ഞിരാമന്ചെമ്മരത്തി ദമ്പതികളുടെ മകനാണ്. പശ്ചിമഘട്ട മേഖലയിലെ ക്വാറി മാഫിയക്കെതിരെ ലേഖന പരമ്പരകള് പ്രസിദ്ധീകരിച്ച് വിഷയം ഭരണാധികാരികളുടെ ശ്രദ്ധയില് കൊണ്ടുവരികയും ഭൂമാഫിയയെ നിയന്ത്രിക്കുകയും ചെയ്യുന്നതില് മാതൃകാപരമായ പ്രവര്ത്തനങ്ങള് നടത്തിയത് പരിഗണിച്ചാണ് പുരസ്കാരം. സംസ്കാരസാഹിതി ഏര്പ്പെടുത്തിയ പ്രഥമ സി.പി.ശ്രീധരന് സ്മാരക പുരസ്ക്കാരം, തൃശൂര് ജനനാവകാശ സംരക്ഷണ സമിതിയുടെ മാധ്യമ പുരസ്ക്കാരം എന്നിവ നേടിയിട്ടുണ്ട്. കാഞ്ഞങ്ങാട് ജില്ല ആശുപത്രിയിലെ ഹെഡ് നഴ്സ് ശാന്ത പയ്യയാണ് ഭാര്യ. ആസാദ്ബാബു മകനാണ്.
പ്രതികരിക്കാൻ ഇവിടെ എഴുതുക: