കണ്ണൂര്: നടാലില് നിര്ത്തിയിട്ട കെഎസ്ആര്ടിസി ബസ്സിന് പിന്നില് സ്വകാര്യ ബസ്സിടിച്ച് നിരവധി പേര്ക്ക് പരുക്കേറ്റു. ഇന്നലെ രാവിലെ ആറര മണിയോടെ ഒകെ യുപി സ്കൂളിനടുത്താണ് അപകടം.
കോഴിക്കോട് നിന്നും കണ്ണൂരിലേക്ക് വരികയായിരുന്ന കെഎസ്ആര്ടിസി ബസ്സിന് പിന്നില് തലശേരിയില് നിന്നും കണ്ണൂരിലേക്ക് വരികയായിരുന്ന സന്നിധാനം എന്ന സ്വകാര്യ ബസ്സ് ഇടിക്കുകയായിരുന്നു. പരിക്കേറ്റവരെ പരിസരവാസികളും പോലീസും ചേര്ന്നാണ് ആശുപത്രികളിലെത്തിച്ചത്. അപകടത്തെത്തുടര്ന്ന് നടാല് ദേശീയപാതയില് ഒരു മണിക്കൂറോളം ഗതാഗതം സ്തംഭിച്ചു. സ്വകാര്യ ബസിന്റെ മുന്വശം അപകടത്തില് തകര്ന്നു. പയ്യന്നൂര് പോളിടെക്നിക്ക് വിദ്യാര്ത്ഥിനികളായ അനുഷ (18), വിസ്മയ (18), മുഴപ്പിലങ്ങാട്ടെ വിനീത (33), വലിയന്നൂരിലെ സജീവന് (49), മീത്തലെ പീടികയിലെ രാജീവന് (50) എന്നിവരെ കണ്ണൂര് എ.കെ.ജി ആശുപത്രിയിലും മറ്റുള്ളവരെ കൊയിലി, തലശേരി സഹകരണാശുപത്രി എന്നിവിടങ്ങളിലും പ്രവേശിപ്പിച്ചു.
പ്രതികരിക്കാൻ ഇവിടെ എഴുതുക: