കോട്ടയം: കളത്തിപ്പടി മരിയന് സ്കൂളിന് മുന്വശത്ത് നിന്ന മരത്തിന്റെ ശിഖരം കനത്ത കാറ്റിലും മഴയിലും ഒടിഞ്ഞു വീണു. ഇന്നലെ ഉച്ചയ്ക്ക് പെയ്ത ശക്തമായ മഴയിലും കാറ്റിലുമാണ് മരം വീണത്. അദ്ധ്യന സമയം ആയതിനാല് കുട്ടികള് ആരും പുറത്തുണ്ടായിരുന്നില്ല. അതിനാല് വന് അപകടം ഒഴിവായി റോഡിലേയ്ക്ക് മരത്തിന്റെ ശിഖരം ഒടിഞ്ഞു വീണതിനാല് സ്കൂളിന് മുമ്പിലുള്ള റോഡിലൂടെയുള്ള ഗതാഗതം തടസ്സപ്പെട്ടു. റോഡിന് നടുവിലേക്ക് ഒടിഞ്ഞു വീണ മരശിഖരം കാരണം മണിക്കുറുകളോളമാണ് ഇത് വഴിയുള്ള വാഹനഗതാഗതം തടസ്സപ്പെട്ടത്. നാട്ടുകാര് ഒടിഞ്ഞുവീണ മരംശിഖരം മാറ്റാന്ശ്രമിച്ചുവെങ്കിലും സാധിച്ചില്ല. തുടര്ന്ന് ഫയര്ഫോഴ്സ് എത്തിയാണ് മരത്തിന്റെ ശിഖരം റോഡില് നിന്നും എടുത്ത് മാറ്റി ഗതാഗതം പുനക്രമീകരിച്ചത്. നിരവധി വിദ്യാര്ത്ഥികള് പഠിക്കുന്ന വിദ്യാലയത്തിന് മുമ്പില് നില്ക്കുന്ന ഈ വൃക്ഷത്തിന്റെ അപകടാവസ്ഥയേക്കുറിച്ച് കളക്ടര് ഉള്പ്പെടെയുള്ളവര്ക്ക് നാട്ടുകാര് പരാതി നല്കിയിരുന്നു. എന്നിട്ടും അധികൃതരുടെ ഭാഗത്ത് നിന്നും നടപടികള് ഒന്നും ഉണ്ടായില്ലായെന്നാണ് നാട്ടുകാര് പറയുന്നത്.
പ്രതികരിക്കാൻ ഇവിടെ എഴുതുക: