കണ്ണൂര്: ഇന്ഫര്മേഷന് & പബ്ലിക് റിലേഷന്സ് വകുപ്പിന്റെ ആഭിമുഖ്യത്തില് വായനയുടെ വൈവിധ്യമാര്ന്ന പരിപാടികളുമായി ഈ വര്ഷത്തെ വായനവാരാചരണത്തിന് ഒരുക്കങ്ങളായി. ജില്ലാ കലക്ടര് പി.ബാലകിരണിന്റെ അധ്യക്ഷതയില് കലക്ടറുടെ ചേമ്പറില് ചേര്ന്ന യോഗത്തില് ജില്ലാ ഇന്ഫര്മേഷന് ഓഫീസര് ഇ.വി.സുഗതന് പരിപാടികള് വിശദീകരിച്ചു. ക്വിസ്, വായനാനുഭവ വിവരണം, സെമിനാര്, കുട്ടികളുടെ ഘോഷയാത്ര, കവിതാ മത്സരങ്ങള്, സ്കൂള് ലൈബ്രറി സജ്ജീകരണം, അധ്യാപകര്ക്ക് ആദരണം, സാഹിത്യനായകരുമായി സംവാദം തുടങ്ങിയ പരിപാടികള് വാരാചരണവേളയില് നടക്കും
വായിച്ചുവളരാനുളള സന്ദേശം നല്കിയ പി.എന്.പണിക്കരുടെ ചരമദിനമായ 19 മുതല് 25 വരെ നടക്കുന്ന വാരാചരണത്തിന്റെ ജില്ലയിലെ ഉദ്ഘാടനം 20 ന് രാവിലെ കണ്ണൂര് ഗവ.വിഎച്ച്എസ് എസില് നടക്കും. സാഹിത്യനായകരുമായി സംവാദവും പി.എന്.പണിക്കര് അനുസ്മരണ പ്രഭാഷണവും തുടര്ന്ന് നടക്കും. 24ന് കവിതാലാപന മത്സരവുമുണ്ടാകും. 25 ന് പയ്യന്നൂരില് സമാപന പരിപാടികളും സമ്മാനദാനവും നടക്കും.—
വാരാചാരണത്തിനു മുന്നോടിയായി നാളെ രാവിലെ 10 മണിക്ക് ഹൈസ്കൂള്തല ക്വിസ് മത്സരം കണ്ണൂര് ഗവ വിഎച്ച്എസ്എസില് നടക്കും. പി.എന്.പണിക്കര് ഫൗണ്ടേഷന്, കാന്ഫെഡ്, അക്ഷയ, സാക്ഷരത മിഷന്, പഞ്ചായത്ത് വകുപ്പ്, വിദ്യാഭ്യാസ വകുപ്പ്, കുടുംബശ്രീ, നെഹ്റുയുവകേന്ദ്ര, ലൈബ്രറി കൗണ്സില് പ്രതിനിധികളും വിവിധ സന്നദ്ധ സംഘടനാ പ്രതിനിധികളും യോഗത്തില് സംബന്ധിച്ചു
പ്രതികരിക്കാൻ ഇവിടെ എഴുതുക: