കണ്ണൂര്: മണിപ്പാല് യൂണിവേഴ്സിറ്റി ആരംഭിച്ച ആരോഗ്യകാര്ഡ് പദ്ധതിക്ക് അപേക്ഷ ക്ഷണിച്ചു. മണിപ്പാല് ആരോഗ്യകാര്ഡ് കൈവശമുള്ളവര്ക്ക് മണിപ്പാല് ഹെല്ത്ത് എന്റര്പ്രൈസസ് ആന്റ് മണിപാല് യൂണിവേഴ്സിറ്റിയുടെ കീഴിലുള്ള വിവിധ ആശുപത്രികളില് നിന്ന് ഇന്പേഷ്യന്റ്/ഔട്ട് പേഷ്യന്റ് ചികിത്സയില് ഡിസ്കൗണ്ടുകള് ലഭിക്കുമെന്ന് മംഗലാപുരം കെഎംസി ആശുപത്രി മെഡിക്കല് സൂപ്രണ്ട് ഡോ.ആനന്ദ് വേണുഗോപാല് പത്രസമ്മേളനത്തില് അറിയിച്ചു. ചെറിയതുക നല്കി മെമ്പര്ഷിപ്പ് നേടുന്ന ആര്ക്കും രണ്ടോ മൂന്നോ തവണ കാര്ഡ് ഉപയോഗിക്കുമ്പോള് തന്നെ നിരക്കിളവിലൂടെ ഈ തുക തിരികെ ലഭിക്കും. 27 വരെ മെമ്പര്ഷിപ്പെടുക്കാന് അവസരമുണ്ട്. ആരോഗ്യകാര്ഡിന് ഒരാള്ക്ക് 270 രൂപയും കുടുംബത്തിന് 550 രൂപയും നല്കിയാല് മതി. കുടുംബമെന്നാല് കാര്ഡ് ഉടമയും ഭാര്യ, ഭര്ത്താവ്, 25 വയസ്സിന് താഴെയുള്ള കുട്ടികള് ഉള്പ്പെടുന്നതാണ്. കുടുംബകാര്ഡ് പദ്ധതി പ്രകാരം നൂറ് രൂപ നിരക്കില് അധികം അടച്ച് ഫാമിലി കാര്ഡ് ഉടമക്ക് മാതാപിതാക്കളെ കൂടി പദ്ധതിയിലുള്പ്പെടുത്താം. നിലവിലെ കാര്ഡ് പുതുക്കുന്നവര്ക്ക് പത്ത് ശതമാനം ഇളവുകള് ലഭിക്കും. മംഗലാപുരത്തല്ലാത്താവര് കെഎംസി, മംഗലാപുരം അംബേദ്ക്കര് സര്ക്കിളിലെ കെഎംസി, മണിപ്പാല് കസ്തൂര്ബ ആശുപത്രി, ഉഡുപ്പി, കാര്ക്കള എന്നിവിടങ്ങളിലെ ഡോ.ടിഎംഎ പൈ ആശുപത്രി, മണിപ്പാല് കോളജ് ഓഫ് ഡന്റല് സയന്സ് എന്നിവിടങ്ങളില് ആരോഗ്യകാര്ഡിന്റെ സൗജന്യങ്ങള് ലഭിക്കും. അപേക്ഷാ ഫോറങ്ങള് ഈ ആശുപത്രികളിലും സിന്ഡിക്കേറ്റ് ബാങ്കിന്റെ കണ്ണൂര്, കാസര്ക്കോട് ജില്ലകളിലെ ശാഖകളിലും കെഎംസി ഇന്ഫര്മേഷന് സെന്ററുകള്, അംഗീകൃത ഏജന്സികള് എന്നിവിടങ്ങളില് ലഭ്യമാണ്. പദ്ധതിയെ കുറിച്ചുള്ള വിശദവിവരങ്ങള്ക്ക് 08971957575, 0824-2445858.
പ്രതികരിക്കാൻ ഇവിടെ എഴുതുക: