കുറവിലങ്ങാട്: ജില്ല അതിര്ത്തിയില് കോട്ടയം എറണാകുളം ജില്ലകളെ ബന്ധിപ്പിക്കുന്ന പുതുവേലി വലിയപാലം(ചോരക്കുഴിപ്പാലം) കനത്തമഴയേത്തുടര്ന്നുള്ള വെള്ളൊഴുക്കില് തകര്തിനേത്തുടര്ന്ന് എംസി റോഡില് പുതുവേലിക്കും കൂത്താട്ടുകുളത്തിനുമിടയില് ഗതാഗതംസ്തംഭിച്ചു. എംസിറോഡില് കെഎസ്ടിപി റോഡുനവീകരണത്തിന്റെ ഭാഗമായി അരീക്കര പുതുവേലി വലിയതോടിനുകുറുകെയുള്ള ചോരക്കുഴിപ്പാലം പൊളിച്ചുപണിനടത്തിവരുന്നതിനാല് കെഎസ്ടിപി നിര്മ്മിച്ചതാല്ക്കാലീകപാലമാണ് വെള്ളിയാഴ്ച രാത്രിയില് തകര്ന്നത്. പാലം ഇതേത്തുടര്ന്ന് സംസ്ഥാനത്തെ ഒന്നാം നമ്പര്ഹൈവേയായ എംസി റോഡില് മണിക്കൂറുകളോളം ഗതാഗതംസ്തംഭിച്ചു. തുടര്ന്ന് കൂത്താട്ടുകുളത്തുനിന്നുമുള്ള ദീര്ഘദൂരബസുകളടക്കമുള്ള വാഹനങ്ങള് കൂത്താട്ടുകളം പാലാ റോഡില് പ്രവേശിച്ച് മംഗലത്തുതാഴം ജംഗ്ഷന് വഴി വെളിയന്നൂര് ഉഴവൂര് വഴി കുര്യനാട് എത്തി എംസിറോഡില് പ്രവേശിച്ചാണ് യാത്രതുടരുന്നത്. കോട്ടയം ഭാഗത്തുനിന്നുമെത്തുന്ന വാഹനങ്ങള് കുര്യനാടുനിന്നും ഉഴവൂര് വെളിയന്നൂര് വഴി കൂത്താട്ടുകുളത്തേക്ക് പോവണം. കെഎസ്ടിപി റോഡ് നവീകരണജോലിയുടെ ഭാഗമായി ചോരക്കുഴിപ്പാലം പൊളിച്ചിട്ട് രണ്ടുമാസംപിന്നിട്ടിരുന്നു ഇതേത്തുടര്ന്ന് അരീക്കര പുതുവേലി വലിയതോടിനുകുറുകെ പെന്സ്റ്റോക്ക് പൈപ്പുകള് സ്ഥാപിച്ചായിരുന്നു താല്ക്കാലീക പാലം നിര്മ്മിച്ചിരുന്നത് കാലവര്ഷം ആരംഭിച്ചതോടെ കനത്തവെള്ളൊഴുക്ക് മൂലമാണ് പാലംതകരാനിടയായത്.
പ്രതികരിക്കാൻ ഇവിടെ എഴുതുക: