മാനിപുരം: ബാലഗോകുലം കോഴിക്കോട് ഗ്രാമ ജില്ല 41-ാം വാര്ഷികസമ്മേളനം മാനിപുരം ഇംഗ്ലീഷ് മീഡിയം സ്കൂളില് കോഴിക്കോട് സര്വ്വകലാശാല പ്രൊ.വൈസ് ചാന്സലര് ഡോ.പി. മോഹന് കൃഷ്ണ വിഗ്രഹത്തില് മാലചാര്ത്തി ഉദ്ഘാടനം ചെയ്തു. ഇന്നത്തെ കുട്ടികള് യോഗ പഠിച്ചും ഭഗവദ്ഗീത പഠിച്ചും വളരണമെന്നും നാടിന്റെ സംസ്കാരം ഉയര്ത്തിപിടിച്ചുളള വിദ്യാഭ്യാസ പദ്ധതിയാണ് നമുക്ക് വേണ്ടതെന്നും അദ്ദേഹം പറഞ്ഞു. കുട്ടികള് നേതൃത്വം ഏറ്റെടുത്ത് വളരണം അത്തരത്തിലുള്ള വ്യക്തിത്വ വികസന പദ്ധതികളാണ് വേണ്ടതെന്നും അദ്ദേഹം കൂട്ടിച്ചേര്ത്തു.ബാലഗോകുലം സംസ്ഥാന അദ്ധ്യക്ഷന് കെ.പി. ബാബുരാജന് മുഖ്യപ്രഭാഷണം നടത്തി. ബാലഗോകുലം ജില്ലാ അദ്ധ്യക്ഷന് ഡോ. പി.വി. രാജന്റെ അദ്ധ്യക്ഷതയില് ചേര്ന്ന യോഗത്തില് എസ്എസ്എല്സി, പ്ലസ്ടു പരീക്ഷയില് ഉന്നതവിജയം നേടിയവര് കോഴിക്കോട് സര്വ്വകലാശാലയില് നിന്ന് ഫോക്ലോര് പഠനത്തില് ഡോക്ട്രേറ്റ് നേടിയ ഡോ. വി.കെ. ദിനേഷ് എന്നിവരെ അനുമോദിച്ചു. ഡോ. ദേവി അനുമോദനഭാഷണം നടത്തി. കെ.ശ്രീരാജ് സ്വാഗതവും പി. പ്രശോഭ് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: