കണ്ണൂര്: ആദിശങ്കരാചാര്യരുടെ അമ്മവീടായ എറണാകുളം പിറവത്തുള്ള മേല്പാഴൂര് മനയില് പ്രവര്ത്തിക്കുന്ന ചിന്മയ ഇന്റര്നാഷണല് ഫൗണ്ടേഷന്റെയും മുംബൈ സന്ദീപനി സാധനാലയം ആസ്ഥാനമാക്കി പ്രവര്ത്തിക്കുന്ന സെന്ട്രല് ചിന്മയ മിഷന് ട്രസ്റ്റിന്റെയും സംയുക്താഭിമുഖ്യത്തില് ആരംഭിക്കുന്ന ചിന്മയ വിശ്വവിദ്യാപീഠം കല്പിത സര്വ്വകലാശാലക്ക് കേന്ദ്ര മാനവ വിഭവശേഷി മന്ത്രാലയത്തിന്റെ ഔദ്യോഗിക അനുമതി ലഭിച്ചു.
ചിന്മയ മിഷന് ആഗോളാചാര്യന് സ്വാമി തേജോമയാനന്ദ, നാളെ രാവിലെ 10 മണിക്ക് മുംബൈ സാന്ദീപനി സാധനാലയത്തില്വെച്ച് ചിന്മയ വിശ്വവിദ്യാപീഠം കല്പിതസര്വ്വകലാശാലയുടെ ഔദ്യോഗിക വെബ്സൈറ്റിന്റെ ഒഫിഷ്യല് ലോഞ്ചിംഗ് നിര്വ്വഹിക്കും. വെളിയനാടുള്ള ചിന്മയ ഇന്റര്നാഷണല് ഫൗണ്ടേഷനിലും മഹാരാഷ്ട്ര കോല്വാനിലുള്ള ചിന്മയ വിഭൂതിയിലുമാണ് പ്രസ്തുത സര്വ്വകലാശാലയുടെ രണ്ടു ക്യാംപസുകള് പ്രവര്ത്തിക്കുക. ഐഎംഎ ബാംഗൂരിലെ പ്രൊഫ.ഡോ.മഹാദേവന് ചിന്മയ വിശ്വവിദ്യാപീഠത്തിന്റെ വൈസ് ചാന്സലറായി സ്ഥാനമേറ്റു. ഈ അധ്യയന വര്ഷം ആരംഭിക്കുന്ന കോഴ്സുകളുടെ വിശദാംശങ്ങള് നാളെ ലോഞ്ചിംഗ് ചെയ്യുന്ന വെബ്സൈറ്റില് ലഭ്യമാകുന്നതാണെന്ന് ചിന്മയ ഇന്റര്നാഷണല് ഫൗണ്ടേഷന് ചീഫ് സേവക് കെ.കെ.രാജന് അറിയിച്ചു.
പ്രതികരിക്കാൻ ഇവിടെ എഴുതുക: