ഇരിട്ടി: നിറയെ പാചക വാതക സിലിണ്ടറുകള് കയറ്റി പോവുകയായിരുന്ന വാഹനം വയലിലേക്കു മറിഞ്ഞു വാഹനത്തിലുണ്ടായിരുന്നവര് പരിക്കേല്ക്കാതെ രക്ഷപ്പെട്ടു. തിങ്കളാഴ്ച രാവിലെ 11 മണിയോടെ എടക്കാനം പഴശ്ശി പദ്ധതി റോഡില് കപ്പണക്കുന്നില് ആയിരുന്നു അപകടം. വീടുകളില് വിതരത്തിനായി കൊണ്ട് പോവുകയായിരുന്ന സിലിണ്ടര് കയറ്റിയ ഇരിട്ടി ഇന്ഡെന് ഏജന്സിയുടെ വാഹനമാണ് അപകടത്തില് പെട്ടത്. കപ്പണക്കുന്നു കയറ്റത്തില് നിയന്ത്രണം വിട്ട വാഹനം ഗ്യാസ് സിലിണ്ടറുകള് അടക്കം രണ്ടാള് താഴ്ചയിലുള്ള വയലിലേക്കു മറിയുകയായിരുന്നു. വാഹനത്തില് െ്രെഡവറും മറ്റൊരാളും മാത്രമേ ഉണ്ടായിരുന്നുള്ളൂ. ഇവര് പരിക്കേല്ക്കാതെ രഷപ്പെട്ടു. ഇരിട്ടിയില് നിന്നും ക്രയിന് എത്തിച്ച് വാഹനം പിന്നീട് വലിച്ചു കയറ്റുകയായിരുന്നു.
പ്രതികരിക്കാൻ ഇവിടെ എഴുതുക: