ഇറഞ്ഞാല്: കോട്ടയം നിയോജക മണ്ഡലത്തില് വികസനത്തിന്റെ പേരില് നിര്മ്മിച്ച ഒട്ടുമിക്ക റോഡുകളുടെയും പണിപൂര്ത്തിയാകുന്നതിന് മുമ്പേ തകര്ന്ന് തരിപ്പണമായിരിക്കുന്നു.
ഈ റോഡുവര്ക്കുകളിലെല്ലാം തട്ടിക്കൂട്ട് പണികളാണ് നടന്നിരിക്കുന്നതെന്നും ബിജെപി ജില്ലാ ജനറള്സെക്രട്ടറി കെ.പി. സുരേഷ് പറഞ്ഞു. പൂവത്തുംമൂട്-എലിപ്പുലിക്കാട്ട് വാട്ടര്വര്ക്സ് റോഡിന്റെ നിര്മ്മാണഘട്ടത്തിലെ ക്രമക്കേടും പിഴവുകളും അന്വേഷിക്കണമെന്ന് ആവശ്യപ്പെട്ട് നട്ടാശേരി-ഇറഞ്ഞാല് ബിജെപി സമരസമിതി സംഘടിപ്പിച്ച പ്രതിഷേധ സമരം ഉദ്ഘാടനം ചെയ്യുകയായിരുന്നു അദ്ദേഹം. രണ്ടരക്കോടി മുടക്കി പണിപൂര്ത്തീകരിച്ച പൂവത്തുംമൂട്-എലിപ്പുലിക്കാട്ട് പാലം വാട്ടര്വര്ക്്സ് റോഡ് കരാര് നിലനില്ക്കുമ്പോള്തന്നെ പൊട്ടിപ്പൊളിഞ്ഞ് താറുമാറായി.
പാറമ്പുഴ-വടവാതൂര് ബണ്ട്റോഡിന്റെ കലുങ്കിന് ഇരുവശവും ഇടിഞ്ഞ് താഴ്ന്ന് ഗതാഗത യോഗ്യമല്ലാതായി. ഇതുവഴിയുള്ള വാഹനയാത്രക്കാര് വന് അപകട ഭീഷണിയാണ് നേരിടുന്നത്. നഗരത്തിലെ പ്രധാന റോഡുകളിലെല്ലാം വന് ഗട്ടറുകളാണ് രൂപപ്പെട്ടിരിക്കുന്നത്. പരാതി ലഭിച്ചിട്ടും നേരിട്ട് ബോധ്യപ്പെട്ടിട്ടും നിര്മ്മാണത്തിലെ ക്രമക്കേടുകള് മറച്ചുവയ്ക്കുന്ന സമീപനമാണ് പൊതുമരാമത്ത് വകുപ്പ് കൈക്കൊണ്ടിരിക്കുന്നത്.
സി.എന്. സുഭാഷ്, അനില് തോട്ടുപുറം, രമേശ്കല്ലില്, രണരാജ് പൂഴിമേല്സ പി.ജെ. ഹരികുമാര്, എം.പി. രഘുനാഥ് എന്നിവര് പ്രസംഗിച്ചു. സൂരജ് മുതുകാട് അധ്യക്ഷത വഹിച്ചു.
പ്രതികരിക്കാൻ ഇവിടെ എഴുതുക: