മനസ്സിനെ എങ്ങനെ നിയന്ത്രിക്കാം. എന്ന ഒരു ഭക്തന്റെ ചോദ്യത്തിന് രമണമഹര്ഷി ഇങ്ങനെ പറഞ്ഞു. ഒരു കള്ളന് മറ്റൊരു കള്ളനെ കൈമാറുമോ? മനസ്സ് അതിനെത്തന്നെ കണ്ടെത്തുമോ. മനസ്സിന് മനസ്സിനെ തിരഞ്ഞ് കണ്ട് പിടിക്കാനാവില്ല. ഉണ്മയില്ലാത്തമനസ്സിനെ മുറുകെപിടിച്ച് അത് എന്താണെന്ന് മനസ്സിലാക്കാന് പരിശ്രമിക്കുന്നനിങ്ങള് യഥാര്ത്ഥത്തിലുള്ളതിനെ അവഗണിക്കുന്നു.
ഉറക്കത്തില് നിങ്ങള്ക്ക് മനസ്സുണ്ടായിരുന്നോ ഇല്ല. ഇപ്പോഴുണ്ട്. അതുകൊണ്ട് അത് അസ്ഥിരമാണ്. നിങ്ങള്ക്ക് മനസ്സിനെ കണ്ടെത്താനൊക്കുമോ നിങ്ങള്ക്ക് മനസ്സല്ല നിങ്ങള് മനസ്സാണെന്ന് സങ്കല്പ്പിച്ച് അതിന്റെ അടിസ്ഥാനത്തില്, എങ്ങനെ അതിനെ നിയന്ത്രിക്കാമെന്ന് എന്നോട് ചോദിക്കുന്നു. അതുണ്ടെങ്കില് അതിനെ നിയന്ത്രിക്കാം. പക്ഷേ ഇല്ല. ഈ സത്യം നിങ്ങള് പരീക്ഷിച്ച് മനസ്സിലാക്കുക.
അവാസ്സ്ഥവത്തെ കുറിച്ചുള്ളഅന്വേഷണം പ്രയോജനമില്ലാത്തതാണ്. അതുകൊണ്ട് യാഥാര്ത്ഥ്യത്തെ -ആത്മാവിനെ -അന്വേഷിക്കുക. അതാണ് മനസ്സിനെ അടക്കിനിര്ത്താനുള്ളമാര്ഗ്ഗം. യഥാര്ത്ഥത്തിലുള്ളത് ഒന്നു മാത്രം. മറ്റുള്ളവയെല്ലാം വെറും തോന്നല് മാത്രം. നാനാത്വം അതിന്റെ പ്രകൃതമല്ല.കടലാസില് അച്ചടിച്ച അക്ഷരങ്ങള് നമ്മള് വായിക്കുന്നു.
അതേസമയം അതിന്റെ പശ്ചത്തലമായ കടലാസിനെ നമ്മള് അവഗണിക്കുകയും അതുപോലെ നിങ്ങള് മനസ്സിന്റെ ആവിഷ്ക്കാരങ്ങളെ, പശ്ചാത്തലത്തെ കണക്കാക്കാതെ ഉയര്ത്തിക്കാട്ടുന്നു. ആരുടെ തെറ്റാണ്.?
മനസ്സിന്റെ സത്ത്വബോധം അല്ലെങ്കില് അറിവുമാത്രമാണ്. അഹന്ത അതിനുമേല് ആധിപത്യം പുലര്ത്തുമ്പോള് അതു ന്യായവാദമായോ, ചിന്തയായോ കാര്യഗ്രഹണശേഷിയായോ പ്രവര്ത്തിക്കുന്നു.
അഹങ്കാരത്താല് പരിമിതമാക്കപ്പെട്ട ജഗദ് വിഷയകമായ മനസ്സിന് അതില്നിന്നും വ്യത്യതസ്തമായി മറ്റൊന്നില്ല. അതുകൊണ്ട് അത് അറിവുമാത്രമാണ്.
പ്രതികരിക്കാൻ ഇവിടെ എഴുതുക: