മുഹമ്മ: മോഷണ ശ്രമത്തിനിടെ മലപ്പുറം, കോഴിക്കോട് സ്വദേശികളായ രണ്ടു യുവാക്കള് പിടിയില്. സ്റ്റേഷനില് നിന്നും ഓടി രക്ഷപെടാന് ശ്രമിച്ച ഇവരില് ഒരാളെ പിന്തുടര്ന്ന് പോലീസ് പിടികൂടി.മലപ്പുറം പൂക്കോട്ട് വള്ളോംപറമ്പ് പുല്ലന്വീട്ടില് റിയാസ്(19), കോഴിക്കോട് പാറമേല് കല്ലായി ഖദീജ മന്സില് മുഹമ്മദ് സഹീര്(20) എന്നിവരെയാണ് മണ്ണഞ്ചേരി പോലീസ് പിടികൂടിയത്. മുഹമ്മദ് സഹീറാണ് സ്റ്റേഷനില് നിന്നും ഇറങ്ങി ഓടിയത്.
ചൊവ്വാഴ്ച രാത്രി മണ്ണഞ്ചേരി ഹൈസ്കൂളിന്റെ ഗേറ്റ് കുത്തിത്തുറക്കുന്നതിനിടെയാണ് പട്രോളിംഗ് നടത്തുകയായിരുന്ന പോലീസ് ഇവരെ പിടിച്ചത്. ആക്സോബ്ലൈഡും, പൂട്ട്തുറക്കുന്നതിനുള്ള മറ്റുപകരണങ്ങളും ഇവരില് നിന്നും കണ്ടെടുത്തു. ബുധനാഴ്ച ഉച്ചയോടെ മുഹമ്മദ് സഹീറിന്റെ വിരലടയാളം എടുക്കുന്നതിനിടെ പോലീസുകാരെ തള്ളിമാറ്റി ഇയാള് മുകളിലത്തെ നിലയിലേയ്ക്ക് ഓടിക്കയറി സമീപത്തെ മരത്തിലൂടെ ഇറങ്ങി രക്ഷപെടുകയായിരുന്നു.
തെക്കോട്ട് ഓടിയ ഇയാള് അടിവാരം തോട്ടില് ചാടിയെങ്കിലും പിന്തുടര്ന്നെത്തിയ പോലീസ് ഇയാളെ പിടികൂടി സ്റ്റേഷനിലെത്തിച്ചു. കോടതിയില് ഹാജരാക്കിയ പ്രതികളെ റിമാന്റുചെയ്തു. മലപ്പുറത്ത് മൊബൈല് മോഷണവുമായി ബന്ധപ്പെട്ട് ഇവര്ക്കെതിരെ കേസുണ്ടെന്ന് എസ് ഐ പറഞ്ഞു.
വണ്ടാനം മെഡിക്കല്
കോളേജില് മോഷണം
അമ്പലപ്പുഴ: വണ്ടാനം മെഡിക്കല് കോളേജ് ആശുപത്രിയില് മോഷണം. വീട്ടമ്മയുടെ മാല നഷടപ്പെട്ടു. പാനൂര് ചേനാട് ബഷീറിന്റെ ഭാര്യ മുംതാസിന്റെ മൂന്നര പവന് തൂക്കം വരുന്ന മാലയാണ് നഷ്ടപ്പെട്ടത്. കഴിഞ്ഞ ദിവസം ഇസിജി എടുക്കുന്നതിനായി എത്തിയ ഇവര് മാല തൊട്ടടുത്തുള്ള കട്ടിലില് വച്ചു. ഇസിജി എടുത്ത ശേഷം മാലയെടുക്കാന് മറന്ന ഇവര് പിന്നീട് തിരികെ എത്തിയപ്പോള് മാല നഷ്ടപ്പെട്ടിരുന്നു. തുടര്ന്ന് പോലീസ് എയ്ഡ് പോസ്റ്റില് ഇവര് പരാതി നല്കി.
പ്രതികരിക്കാൻ ഇവിടെ എഴുതുക: