തിരുവനന്തപുരം: തിരുവനന്തപുരത്ത് രണ്ടാം മെഡിക്കല് കോളേജിന്റെ പ്രവര്ത്തനം ഉടന് ആരംഭിക്കണമെന്നാവശ്യപ്പെട്ട് മുന് മുഖ്യമന്ത്രി ഉമ്മന് ചാണ്ടി മുഖ്യമന്ത്രി പിണറായി വിജയന് കത്തയച്ചു. തിരുവനന്തപുരത്ത് രണ്ടാമതൊരു മെഡിക്കല് കോളേജ് പ്രവര്ത്തനം ആരംഭിക്കുന്നതിനുള്ള എല്ലാ നടപടികളും പൂര്ത്തിയാക്കിയിട്ടാണ് യുഡിഎഫ് സര്ക്കാര് അധികാരം ഒഴിഞ്ഞത്.
ഈ കോളേജില് ആദ്യവര്ഷ എംബിബിഎസ് ബാച്ച് തുടങ്ങുന്നതിന് ആവശ്യമായ അടിസ്ഥാന സൗകര്യങ്ങള് ഒരുക്കി. 134 പുതിയ തസ്തികകള് അനുവദിച്ച് ലബോറട്ടറിയടക്കം സൗകര്യങ്ങള് പൂര്ത്തീകരിച്ചിട്ടുണ്ടായിരുന്നു. കോളേജില് ഇന്ത്യന് മെഡിക്കല് കൗണ്സിലിന്റെ പരിശോധന പൂര്ത്തിയാക്കി 2016 അദ്ധ്യയന വര്ഷം 100 സീറ്റുകളില് പ്രവേശനത്തിന് അനുമതി ലഭിച്ചിട്ടുണ്ട്. എന്നാല് ഇന്ത്യന് മെഡിക്കല് കൗണ്സിലിന്റെ അംഗീകാരം ലഭിക്കുന്നതിന്റെ ഭാഗമായി അവര് നിഷ്കര്ഷിക്കുന്ന ഒരു സമ്മതപത്രം (ഡിറലൃമേസശിഴ) സംസ്ഥാന സര്ക്കാര് നല്കേണ്ടതുണ്ട്.
ഇത്തരത്തില് സംസ്ഥാന സര്ക്കാര് ഇന്ത്യന് മെഡിക്കല് കൗണ്സിലിന് ഒരു സമ്മതപത്രം ആദ്യം നല്കിയിരുന്നു. എന്നാല് അത് പിന്നീട് പിന്വലിച്ചതായി അറിയുന്നു. ഇതുകാരണം 2016-ലെ ഈ കോളേജിലെ അഡ്മിഷന് നടപടികള് അനിശ്ചിതത്വത്തിലായി.
അതിനാല് സംസ്ഥാനത്തിന് ഇന്ത്യന് മെഡിക്കല് കൗണ്സില് അനുവദിച്ച 100 മെഡിക്കല് സീറ്റുകള് നഷ്ടപ്പെടുകയാണ്. 25,000 രൂപ സര്ക്കാര് ഫീസില് സാധാരണക്കാര്ക്കും, 10 ശതമാനം സീറ്റില് പട്ടികജാതി/പട്ടികവര്ഗ വിദ്യാര്ത്ഥികള്ക്കും സൗജന്യമായി പഠിക്കാനുള്ള അവസരമാണ് ഇതുമൂലം നഷ്ടപ്പെടുന്നതെന്ന് കത്തില് പറയുന്നു.
പ്രതികരിക്കാൻ ഇവിടെ എഴുതുക: