കരുനാഗപ്പള്ളി: മുനിസിപാലിറ്റിയിലെ ഹോട്ടലുകളില് ആരോഗ്യവിഭാഗം അധികൃതര് നടത്തിയ റെയ്ഡില് പഴകിയ ആഹാരസാധനങ്ങളും ഉപയോഗശൂന്യമായ പച്ചക്കറികളും പിടിച്ചെടുത്തു.
പിടിച്ചെടുത്ത ആഹാരസാധനങ്ങള്ക്ക് മൂന്നുദിവസം പഴക്കമുണ്ടെന്ന് ഉദ്യോഗസ്ഥര് പറഞ്ഞു. കരുനാഗപ്പള്ളിയിലെ പല ഹോട്ടലുകളിലും പഴയ സാധനങ്ങള് വില്ക്കുന്നതായി പരാതിയുണ്ടായതിന്റെ അടിസ്ഥാനത്തിലാണ് റെയ്ഡ് നടത്തിയത്. കരുനാഗപ്പള്ളി മുനിസിപാലിറ്റി, മൈനാഗപ്പള്ളി സാമൂഹ്യാരോഗ്യകേന്ദ്രം, കരുനാഗപ്പള്ളി ഹെല്ത്ത് സെന്റര് എന്നിവയുടെ നേതൃത്വത്തിലായിരുന്നു റെയ്ഡ്. വൃത്തിഹീനമായി കണ്ട എല്ലാ ഹോട്ടലുകള്ക്കും നോട്ടീസ് നല്കിയതായി ഹെല്ത്ത് സൂപ്പര്വൈസര് കെ.എം.ഷാജി, ഹെല്ത്ത് ഇന്സ്പെക്ടര് പ്രദീപ്കുമാര്, ജെ.സന്തോഷ്കുമാര് എന്നിവര് പറഞ്ഞു.
പ്രതികരിക്കാൻ ഇവിടെ എഴുതുക: