എരുമേലി: മോഷ്ടിച്ച ബൈക്കുമായെത്തി എത്തി പെട്രോള് പമ്പില് നിന്ന് പണം കവര്ന്ന കേസില് പ്രതികളായ രണ്ട് പേരെ എരുമേലിയിലെ പമ്പിലെത്തിച്ച് പോലീസ് തെളിവെടുപ്പ് നടത്തി.
കോട്ടയം വിജയപുരം സഹകരണ ബാങ്കിന് സമീപം തമാസിക്കുന്ന പുല്ച്ചാടി എന്ന് വിളിക്കുന്ന ലുധീഷ്(20), മണര്കാട് പണിക്കമറ്റം കുറ്റിയാക്കുന്ന് സ്വദേശി കാവുംപടികിഴക്കേതില് പ്രവീണ്രാജ് (20) എന്നിവരെയാണ് തെളിവെടുപ്പിനായി എത്തിച്ചത്. കഴിഞ്ഞ ദിവസം രാത്രി എട്ടരയോടെ എരുമേലി റാന്നി റോഡിലുളള പമ്പിലായിരുന്നു കവര്ച്ച. റാന്നിയില് നിന്ന് മോഷ്ടിച്ച ബൈക്കില് എത്തിയ ഇവര് പമ്പില് പെട്രോള് അടിച്ചതിന് ശേഷം തന്ത്രപരമായി മേശയില് നിന്നും പണം കവര്ച്ചചെയ്യുകയായിരുന്നു. മഞ്ഞ നിറത്തിലുളള ബൈക്കിലെത്തിയവരാണ് മോഷണം നടത്തിയതെന്ന സംശയത്തിന്റെ പേരില് കോട്ടയം,പത്തനംതിട്ട, ഇടുക്കി ജില്ലാ അതിര്ത്തി മേഖലകളില് പോലീസ് നടത്തിയ നിരീക്ഷണമാണ് പ്രതികളെ വലയിലാക്കുവാന് കഴിഞ്ഞത്. പിടിയിലായ ഇവര് നിരവധി കേസുകളില് പ്രതികളാണ്. ഏഴോളം കേസുകളില് പ്രതികളാണ്. ഇത് സംബന്ധിച്ച് കൂടുതല് അന്വേഷണം നടത്തുമെന്ന് പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: