ഈശ്വരന് മുകളില്നിന്ന് താഴത്തേക്ക് വരുകയോ താഴെനിന്ന് മുകളിലേക്ക് പോകുകയോ ചെയ്യുന്നില്ല. എല്ലായിടത്തുമുണ്ട്.
ശാന്തതയിലും മൗനത്തിലും ഈശ്വര സാന്നിദ്ധ്യം
ലഭിക്കുന്നു.
സങ്കുചിതരാകാതെ വികസിക്കുക-അനന്തമായി വികസിക്കുക.
എല്ലാ റോസ് ചെടികളിലും മുള്ളുണ്ട്. ശ്രദ്ധിച്ചാല് പൂവ് പറിക്കാം. ജീവിതത്തില് ദുഃഖമുണ്ട്, നിരന്തര സാധനയിലൂടെ നന്മ നേടാം.
നിങ്ങള്ക്കു ലഭ്യമായതില്നിന്നും നിങ്ങള് സമ്പാദിച്ചതില്നിന്നും നിങ്ങള് ജീവിക്കാന് പഠിക്കുക.
കരഞ്ഞുകൊണ്ടാണ് ജനനം, ചിരിച്ചുകൊണ്ടാകട്ടെ നമ്മുടെ മരണം.
വേരുകള് വിദ്യാഭ്യാസമാണ്, ഫലങ്ങള് രൂപീകരിക്കപ്പെട്ട
സ്വഭാവങ്ങളും.
എല്ലാ കടങ്ങളും വീട്ടുവാന് നിങ്ങള്ക്ക് സാധിക്കും.
അമ്മയോടുള്ള കടം വീട്ടുവാന് നിങ്ങള്ക്ക് സാധ്യമല്ല.
ബുദ്ധിപരമായ ജീവിതത്തിന് അച്ചടക്കമാണാവശ്യം.
പൗരന്മാര്ക്ക് വിദ്യാഭ്യാസം നല്കുവാനും അവരെ സംസ്കാര സമ്പന്നരാക്കുവാനുമുള്ള ഉത്തരവാദിത്വം സര്ക്കാരിനുണ്ടാകണം. അല്ലെങ്കില് സര്ക്കാരിനെ പഠിപ്പിക്കുവാനും സംസ്കാരമുള്ളവരാക്കിത്തീര്ക്കുവാനുമുള്ള ഉത്തരവാദിത്വം ജനങ്ങള്ക്കുണ്ടാകണം.
എല്ലാ പ്രവൃത്തികളും ഈശ്വരാര്പ്പണമായി അനുഷ്ഠിക്കുക.
പ്രോത്സാഹിപ്പിക്കുന്നതും സഹായിക്കുന്നതും നിയോഗിക്കുന്നതും ആനന്ദിപ്പിക്കുന്നതും സമാധാനിപ്പിക്കുന്നതും വിതയ്ക്കുന്നതും കൊയ്യുന്നതുമെല്ലാം ഈശ്വരനാണ്.
നിങ്ങളില് ആത്മവിശ്വാസമുണ്ടാകട്ടെ. തിരയില് വിശ്വാസമില്ലാത്തവര്ക്ക് കടലിനോട് വിശ്വാസം തോന്നുമോ.
ശ്രീ സത്യസായിബാബ
പ്രതികരിക്കാൻ ഇവിടെ എഴുതുക: