ഇടുക്കി: ജില്ലാ എക്സൈസ് വിഭാഗത്തില് കൂട്ട സ്ഥലംമാറ്റം.118 പേരെയാണ് എക്സൈസ് ഡെപ്യൂട്ടി കമ്മീഷണര് മാറ്റിയത്. 26 പ്രിവന്റിവ് ഓഫീസര്, 81 സിവില് എക്സൈസ് ഓഫീസര്മാര്, 8 ഡ്രൈവ്രര്മാര്,3 വനിതാ ജീവനക്കാര് എന്നിവരെയാണ് മാറ്റി നിയമിച്ചത്. സി.ഐമാരുടെ സ്ഥലം മാറ്റ ഉത്തരവ് സംസ്ഥാന തലത്തില് ഉടന് പുറത്തിറങ്ങും.ഹൈറേഞ്ച് മേഖലയില് ജോലി ചെയ്തിരുന്നവരെ ലോറേഞ്ചിലേയ്ക്കും,ലോറേഞ്ചിലുള്ളവരെ ഹൈറേഞ്ചിലേയ്ക്കുമാണ് മാറ്റിയിരിക്കുന്നത്. കുമളി,കമ്പംമെട്ട്,ബോഡിമെട്ട്,ചിന്നാര് എന്നിവിടങ്ങളിലെ ജീവനക്കാരെ കൂട്ടത്തോടെയാണ് സ്ഥലം മാറ്റിയത്.സമീപകാലത്ത് എക്സൈസില് നടത്തിയ അഴിച്ചുപണി ഇടതുപക്ഷ യൂനിയനുകളുടെ പകപോക്കലായി കാണുന്നവരാണ് ഏറെയും. തൊടുപുഴ,കുയിലിമല, നെടുങ്കണ്ടം,ഉടുമ്പന്ചോല,കട്ടപ്പന,തങ്കമണി, പീരുമേട്, വണ്ടിപ്പെരിയാര്,കുമളി,മുന്നാര്,ദേവികുളം,മറയൂര്,അടിമാലി എന്നീ ഓഫീസുകളിലെ ജീവനക്കാരും സ്ഥലം മാറ്റപ്പെട്ടവരില്പ്പെടുന്നു. രണ്ട് ദിവസം മുന്പ് എക്സൈസ് കമ്മീഷണര് ഡെപ്യൂട്ടി കമ്മീഷണര്മാരുടെ യോഗം വിളിച്ചിരുന്നു. ഈ യോഗത്തില് ഉദ്യോഗസ്ഥരുടെ സ്ഥലം മാറ്റം സംബന്ധിച്ച നിര്ദ്ദേശം വന്നതോടെയാണ് വളരെ പെട്ടന്ന് സ്ഥലം മാറ്റ ഉത്തരവ് ഇറക്കിയത്.
പ്രതികരിക്കാൻ ഇവിടെ എഴുതുക: