കായംകുളം: ക്ഷേത്ര മോഷണങ്ങള് ഉള്പ്പെടെ നിരവധി മോഷണകേസിലെ പ്രതി അറസ്റ്റില്. കോട്ടയം മീനച്ചില് താലൂക്കില് പൂവരണി വില്ലേജില് കൊല്ലക്കോട്ട് വീട്ടില് ജോസഫ് (ജോയ്-40) ആണ് അറസ്റ്റിലായത്. കഴിഞ്ഞ ദിവസം പാര്ക്ക് ജംഗ്ഷനില് വാഹന പരിശോധനയിലായിരുന്നു മോഷ്ടിച്ച ബൈക്കുമായി പ്രതിയെ അറസ്റ്റു ചെയ്തത്. രാത്രി പത്തുമണിയോടെയാണ് ഇയാളെ പിടികൂടിയത്. നൂറോളം ക്ഷേത്ര മോഷണ കേസുകളില് പ്രതിയായ ഇയാള് ജയിലില് നിന്ന് ഇങ്ങിയതിന് ശേഷം ആറുമാസത്തോളമായി വിവിധ ജില്ലകളില് ക്ഷേത്രങ്ങള് കേന്ദ്രീകരിച്ച് മോഷണം നടത്തിവരികയായിരുന്നു. തിരുവിഴയില് നിന്നും മോഷ്ടിച്ച ബൈക്കുമായി കായംകുളത്തേക്ക് വരുമ്പോഴാണ് പോലീസിന്റെ പിടിയിലാകുന്നത്. ഹരിപ്പാട്, കരീലക്കുളങ്ങര, മാഹി, പാലക്കാട്, കരുനാഗപ്പള്ളി, കൊട്ടാരക്കര, മുഹമ്മ, അമ്പലപ്പുഴ, വര്ക്കല എന്നീ സ്ഥലങ്ങളിലെ ക്ഷേത്രങ്ങളുടെ കാണിക്കവഞ്ചി കുത്തിത്തുറന്ന് മോഷണം നടത്തിയിട്ടുള്ളതായി ഈയാള് സമ്മതിച്ചു. കോടതിയില് ഹാജരാക്കിയ ശേഷം പ്രതിയെ കസ്റ്റഡിയില് വാങ്ങുമെന്ന് പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: