മട്ടാഞ്ചേരി: ലോക യോഗാ ദിനം വിപുലമായി ആഘോഷിക്കുന്നതിന് പശ്ചിമകൊച്ചിയില് ഒരുക്കങ്ങളായി. മട്ടാഞ്ചേരി ഫോര്ട്ടുകൊച്ചി, തോപ്പുംപടി, പള്ളുരുത്തി, ചെല്ലാനം മേഖലകളിലെ വിവിധ കേന്ദ്രങ്ങളില് യോഗാഭ്യാസവും ബോധവല്ക്കരണവും നടക്കും. ഫോര്ട്ടുകൊച്ചിയില് അമരാവതി ഗ്രാമസേവാസമിതിയും പതഞ്ജലിയോഗാ പീഠവും സംയുക്തമായി വെളി പള്ളത്തുരാമന് മൈതാനിയില് യോഗാ ദിനാചരണം നടത്തും. രാവിലെ ഏഴിന് യോഗാ ദര്ശനം ഫോര്ട്ടുകൊച്ചി സബ് കളക്ടര് എസ്. സുഹാസ് ഉദ്ഘാടനം ചെയ്യും.
ബി.ബാലഗോപാല് പൈ അദ്യക്ഷത വഹിക്കും. സി. അജിത് സന്ദേശം നല്കും. മട്ടാഞ്ചേരി ടി.ഡി. ഹൈസ്ക്കൂളില് നടക്കുന്ന യോഗാ ദിനാചരണം രാവിലെ 7ന് തുടങ്ങും. എന്സിസി എയര്ഫോഴ്സ് ആര്മി, കുട്ടി പോലീസ് എന്നിവരുടെ സംയുക്താഭിമുഖ്യത്തിലാണ് യോഗാ ദിനാചരണം.
ശ്രീ കൊച്ചിന് ഗുജറാത്തി മഹാജനും സമര്ത്ഥ യോഗാ ദര്ശനും സംയുക്തമായി കുറവാ മൈതാനിയില് യോഗാ പ്രദര്ശനം നടത്തും ജിഎസ്ബി സംയുക്ത ഗ്രാമസഭയുടെ നേതൃത്വത്തില് ടിഡി ക്ഷേത്ര കല്ല്യാണമണ്ഡപത്തില് രാവിലെ ഏഴിന് യോഗാഭ്യാസം നടക്കും. തോപ്പുപടിയില് യോഗ സെന്ററിന്റെ ആഭിമുഖ്യത്തില് യോഗാ പ്രകടനവും ചിന്തകളും നടക്കും.
പ്രതികരിക്കാൻ ഇവിടെ എഴുതുക: