ആലപ്പുഴ: യോഗാദിനം ജില്ലയില് വിപുലമായി ആചരിച്ചു. വിവിധ സാമൂഹ്യ സാംസ്കാരിക സംഘടനകളുടെയും യോഗാ പരിശീലന കേന്ദ്രങ്ങളുടെയും നേതൃത്വത്തിലാണ് ജില്ലയിലെമ്പാടും യോഗാദിനം ആചരിച്ചത്. കൂടാതെ ആയുഷ് വകുപ്പും യോഗാദിനാചരണത്തിന് നേതൃത്വം നല്കി. സ്കൂളുകളിലും യോഗാദിനം, യോഗാഭ്യാസം, യോഗാ പരിശീലനം എന്നിവ സംഘടിപ്പിച്ചു. ആലപ്പുഴ ഉടുപ്പി ശ്രീകൃഷ്ണ കല്യാണമണ്ഡപത്തില് കേരള കായിക വേദി (ക്രീഡാ ഭാരതി)യുടെയും ചൈതന്യ യോഗാകേന്ദ്രത്തിന്റെയും ആഭിമുഖ്യത്തില് യോഗാ പ്രദര്ശനം സംഘടിപ്പിച്ചു. യോഗാചാര്യന് സി. നാഗപ്പന് നേതൃത്വം നല്കി. എം.കെ. പ്രദീപ്, എം. ശ്രീകുമാര്, സി. ഉദയന്, അഡ്വ. എ. ജയശങ്കര് തുടങ്ങിയവര് പങ്കെടുത്തു.
നെഹ്റുയുവകേന്ദ്രയുടേയും മാരാരിക്കുളം സബര്മതി ചാരിറ്റബിള് സൊസൈറ്റിയുടേയും ആഭിമുഖ്യത്തില് ലീയോതേര്ട്ടീന്ത് ഹയര്സെക്കന്ഡറി സ്ക്കൂളില് അന്താരാഷ്ട്ര യോഗദിനാചരണവും യോഗപരീശലനവും സംഘടിപ്പിച്ചു. കെ.സി. വേണുഗോപാല് എംപി ഉദ്ഘാടനം ചെയ്തു. സ്ക്കൂള് മാനേജര് ഫാ. സ്റ്റാന്ലി പുളിമൂട്ടുപറമ്പില് അദ്ധ്യക്ഷത വഹിച്ചു. യോഗമാറ്റിന്റെ വിതരണോദ്ഘാടനം ആലപ്പുഴ രൂപതാ കോര്പ്പറേറ്റ് മാനേജര് ഫാ. രാജുകളത്തില് നിര്വ്വഹിച്ചു. നഗരസഭാ കൗണ്സിലര് കരോളിന് പീറ്റര്, സബര്മതി ചാരിറ്റബിള് രാജു പളളിപ്പറമ്പില്, പ്രിന്സിപ്പല് ആനീസ് കെ.എം, ആന്റണി ഫെര്ണാണ്ടസ്, അശോക്കുമാര്, ജോഷി ബാസ്റ്റിന് തുടങ്ങിയവര് പ്രസംഗിച്ചു. ഡോ. വിഷ്ണുമോഹന് യോഗാക്ലാസിന് നേതൃത്വം നല്കി.
ആലപ്പുഴ ആര്ട്ട് ഓഫ് ലിവിങ് ജ്ഞാനക്ഷേത്രത്തില് നടന്ന യോഗാദിനാഘോഷം മുനിസിപ്പല് ചെയര്മാന് തോമസ് ജോസഫ് ഉദ്ഘാടനം ചെയ്തു. കിടങ്ങാംപറമ്പ് വാര്ഡ് കൗണ്സിലര് ഐ. ലത അദ്ധ്യക്ഷത വഹിച്ചു. യോഗയുടെ പ്രാധാന്യത്തെക്കുറിച്ച് പ്രൊഫ. കല്ലേലി ഗോപാലകൃഷ്ണന് മുഖ്യപ്രഭാഷണം നടത്തി. ആര്ട്ട് ഓഫ് ലിവിങ് അദ്ധ്യാപകരായ അനില് ആറാട്ടുവഴി, ആനന്ദ് ശര്മ്മ, സുനു ഉപേന്ദ്രന്, ബിജു വിശ്വനാഥ് എന്നിവര് ക്ലാസുകള്ക്ക് നേതൃത്വം നല്കി.
തണ്ണീര്മുക്കത്ത് നടന്ന യോഗദിനാചരണത്തില് യോഗ പരിശീലന പരിപാടി തണ്ണീര്മുക്കം ഗ്രാമപഞ്ചായത്ത് പ്രസിഡന്റ് കെ ജെ സെബാസ്റ്റ്യന് ഉദ്ഘാടനം ചെയ്തു.
വികസന സ്റ്റാന്റിംഗ് കമ്മറ്റി ചെയര്മാന് അഡ്വ.പി..എസ് ജ്യോതിസ് അധ്യക്ഷത വഹിച്ചു.രമാ മദനന് ,സീനിയര് ടീച്ചര് ബി അംബികാദേവി ,ഡോ അനുപമ,എന്നിവര് സംസാരിച്ചു.ആയുര്വേദ മെഡിക്കല് ഓഫീസര് യോഗ പരിശീലനത്തിന് നേതൃത്വം നല്കി. ഹെഡ്മാസ്റ്റര് ഡി. ബാബു സ്വാഗതവും സ്റ്റാഫ്സെക്രട്ടറി ആര് സന്തോഷ് കുമാര് നന്ദിയും പറഞ്ഞു.
ആലപ്പുഴ എംഇഎസ് ഇംഗ്ലീഷ് മീഡിയം സ്കൂളിലെ സ്കൗട്ട് – ഗൈഡ് കുട്ടികളുടെ ആഭിമുഖ്യത്തില് യോഗ പരിശീലനവും പ്രദര്ശനവും നടത്തി. പ്രിന്സിപ്പാള് റയിസബീഗം ഉദ്ഘാടനം ചെയ്തു. സ്കൗട്ട് ജില്ലാ ഓര്ഗനൈസിങ് കമ്മീഷണര് കെ. ശിവകുമാര് പരിശീലനം നല്കി.ഷംന, സഹദ് ബിന സാബു, നൗഫിയ, മിലാദ് നിസാര്, നസ്റിയ എന്നിവര് പരിപാടികള്ക്ക് നേതൃത്വം നല്കി.
എടത്വ തലവടിയിലെ വിവിധ സ്കൂളുകളില് യോഗദിനാചരണം നടന്നു. വെള്ളക്കിണര് ഗവ. വൊക്കേഷണല് ഹയര് സെക്കന്ററി സ്കൂളിലെ എന്.എസ്.എസിന്റേയും, വിവേകാന്ദ അധ്യായന സമതിയുടേയും നേതൃത്വത്തിലാണ് യോഗദിനാചരണം നടന്നത്. ചമ്പക്കുളം ബ്ലോക്ക് പഞ്ചായത്ത് പ്രസിഡന്റ് പോളി തോമസ് ഉദ്ഘാടനം ചെയ്തു. വാര്ഡ് അംഗം അജിത്ത് കുമാര് പിഷാരത്ത് അധ്യക്ഷത വഹിച്ചു. സ്കൂളിലെ പ്രധാന അധ്യാപികമാരായ പി.ആര്.സുജ, ബി. ഉഷാകുമാരി, സുഭദ്രാ ദേവി, പി.ടി.എ പ്രസിഡന്റ് സതീശന്, മുന് ഹെഡ്മാസ്റ്റര് പി.വി. രവീന്ദ്രനാഥ്, സി. ബിനോയ്, എ.ജി. മണികണ്ഠന്, പുഷ്പകുമാര്, മനു സി.മേനോന്, എന്.എസ്.എസ് കോഡിനേറ്റര് ശ്രീ രജ്ഞിനി എന്നിവര് പ്രസംഗിച്ചു.
വേദവ്യാസ വിദ്യാപീഠത്തിലെ യോഗാചരണം തലവടി ഗ്രാമപഞ്ചായത്ത് പ്രസിഡന്റ് ജനൂപ് പുഷ്പാകരന് ഉദ്ഘാടനം ചെയ്തു. വാര്ഡ് അംഗം അനിരൂപ് അധ്യക്ഷത വഹിച്ചു. ഡോ. വിനോദ് വി. നമ്പൂതിരി യോഗസന്ദേശവും ക്ലാസും നയിച്ചു. തലവടി എ.ഡി.യു.പി സ്കൂളില് പ്രധാന അധ്യാപിക ജയശ്രീ ദിനാചരണം ഉദ്ഘാടനം ചെയ്തു. തലവടി ടി.എം.ടി സ്കൂളിലും ദിനാചരണം നടന്നു.
മുഹമ്മ കാവുങ്കല് പഞ്ചായത്ത് എല്പി സ്കൂളില് യോഗാചാര്യനായ പന്തലിപ്പറമ്പില് മുരളിയെ ആദരിച്ചു. യോഗാ ക്ലാസ് പഞ്ചായത്ത് പ്രസിഡന്റ് തങ്കമണിഗോപിനാഥ് ഉദ്ഘാടനം ചെയ്തു. വാര്ഡംഗം മിനിപ്രദീപ് അധ്യക്ഷത വഹിച്ചു. വിദ്യാഭ്യാസ് സ്റ്റാന്റിംഗ് കമ്മറ്റിചെയര്മാന് എസ് നവാസ്,ഹെഡ്മിസ്ട്രസ് പി.കെ. സാജിത,സീലിയ,പി എ ഷെമീര് എന്നിവര് സംസാരിച്ചു.
മുഹമ്മ എബി വിലാസം ഹയര്സെക്കണ്ടറി സ്കൂളില് എസ്പിസി, എന്സിസി കേഡറ്റുകള്ക്കായി യോഗാപരിശീലനം നല്കി. കായികാധ്യാപകന് സവിനയന് ക്ലാസെടുത്തു. മുഹമ്മ സി എം എസ് എല് പി സ്കൂളില് യോഗാചാര്യന് ജഗദീഷ് പരിശീലനം നല്കി.
ചാരമംഗലം ഗവ. ഡിവിഎച്ച്എസ്എസില് യോഗാചാര്യന് വിജയന് കുട്ടികള്ക്ക് യോഗാപരിശീലനം നല്കി. ജില്ലാപഞ്ചായത്ത് മെമ്പര് ജമീലാപുരുഷോത്തമന് അധ്യക്ഷത വഹിച്ചു. സ്കൂള് പ്രിന്സിപ്പള് പുഷ്പാരാമചന്ദ്രന്, ഹെഡ്മാസ്റ്റര് ടി.ജി. സുരേഷ്, എസ്എംസി ചെയര്മാന് വി.ആര്. മണിയപ്പന്, വൈസ്ചെയര്മാന് അക്ബര്, കെ.കെ. നഹാര്, ഡെല്സണ് എം. സ്കറിയ, ജയവിക്രമന്, കെ.കെ. പ്രതാപന്, ഇ.ആര്. ഉദയകുമാര്, ജെ. ഷീല എന്നിവര് സംസാരിച്ചു.
ചാരമംഗലം ഗവ. സംസ്കൃതം സ്കൂളില് യോഗാദിനം ആര്യാട് ബ്ലോക്ക് പഞ്ചായത്ത് പ്രസിഡന്റ് ഷീനാസനല്കുമാര് നിര്വഹിച്ചു. മുഹമ്മ പഞ്ചായത്ത് വൈസ് പ്രസിഡന്റ് മായാമജു അധ്യക്ഷത വഹിച്ചു. സി.ബി. ഷാജികുമാര്, ഡി. സതീശന്, ഹെഡ്മിസ്ട്രസ് നിഷ എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: