കണ്ണൂര്: കണ്ണൂര് നെഹ്റു യുവകേന്ദ്രയും എളയാവൂര് എന്എസ്എസ് മഹിളാ സമാജവും ചേര്ന്ന് രാജ്യാന്തര യോഗദിനത്തോടനുബന്ധിച്ച് നടത്തിയ എടക്കാട് ബ്ലോക്ക് അയല്പക്ക യുവപാര്ലമെന്റ് ജില്ലാ പഞ്ചായത്ത് പ്രസിഡണ്ട് കെ.വി.സുമേഷ് ഉദ്ഘാടനം ചെയ്തു.
എളയാവൂര് എന്എസ്എസ് കരയോഗം ഹാളില് ചേര്ന്ന യോഗത്തില് കണ്ണൂര് മുനിസിപ്പല് കോര്പ്പറേഷന് വിദ്യാഭ്യാസ സ്റ്റാന്റിങ്ങ് കമ്മറ്റി ചെയര്പേഴ്സണ് ഷാഹിന മൊയ്തീന് അധ്യക്ഷത വഹിച്ചു. ടി.കെ.ചന്ദ്രശേഖരന് നമ്പ്യാര്, ഡോ.സ്മിത എസ് പിളള, യു.കെ.ബാലചന്ദ്രന്, പത്മാവതി ടീച്ചര് തുടങ്ങിയവര് സംസാരിച്ചു. പരിവ്രാജകാചാര്യ യോഗ വേദാന്തമിഷനിലെ വി.വി.പ്രേമരാജന്, അഡ്വ.എം.വി.റീന, ആര്.പ്രഭാകരന് മാസ്റ്റര് എന്നിവര് ക്ലാസെടുത്തു.
കണ്ണൂര് നെഹ്റു യുവകേന്ദ്രയും ബ്രണ്ണന് എന്എസ്എസ് യൂണിറ്റും ചേര്ന്നു രാജ്യാന്തര യോഗദിനത്തോടനുബന്ധിച്ച് തലശ്ശേരി ബ്ലോക്ക്തല അയല്പക്ക യുവപാര്ലമെന്റ് നടത്തി. തലശ്ശേരി ബ്രണ്ണന് എച്ച്എസ്എസില് നടന്ന പരിപാടി തലശ്ശേരി മുനിസിപ്പാലിറ്റി വൈസ് ചെയര്പേഴ്സണ് നജ്മ ഹാഷിം ഉദ്ഘാടനം ചെയ്തു. എസ്.രജത്ത്, പ്രിന്സിപ്പല് ഡോ.ശശിധരന് കുനിയില്, എന്എസ്എസ് പ്രോഗ്രാം ഓഫീസര് ടി.ഷിജിത്ത്, സ്റ്റാഫ് സെക്രട്ടറി പ്രസാദ് മാസ്റ്റര്, കെ.അനുരാഗ് എന്നിവര് സംസാരിച്ചു.
കണ്ണൂര് നെഹ്റു യുവകേന്ദ്രയും കെപിആര്ജിഎസ്, ജിഎച്ച്എസ്എസ് കല്ല്യാശ്ശേരി എന്എസ്എസ് യൂണിറ്റും ചേര്ന്ന് രാജ്യാന്ത യോഗദിനത്തോടനുബന്ധിച്ച് കല്ല്യാശ്ശേരി ബ്ലോക്ക്തല അയല്പക്ക യുവപാര്ലമെന്റ് നടത്തി. കല്ല്യാശ്ശേരി ജൂബിലി ഹാളില് നടന്ന പരിപാടി കല്ല്യാശ്ശേരി പഞ്ചായത്ത് പ്രസിഡണ്ട് ഇ.പി.ഓമന ഉദ്ഘാടനം ചെയ്തു
പ്രതികരിക്കാൻ ഇവിടെ എഴുതുക: