അരൂര്: ലോറികളും ഒരു കാറും കൂട്ടിയിടിച്ച് രണ്ട് പേര്ക്ക് പരിക്കേറ്റു. ഇന്നലെ ഉച്ചക്ക് മൂന്നോടെ എരമല്ലൂര് കവലക്കു സമീപമായിരുന്നു അപകടം. പരുക്കേറ്റ ലോറി ഡ്രൈവര് ഷാഫി (35), കാര് ഡ്രൈവര് ഹരിദാസ് (45) എന്നിവരെ സ്വകാര്യ ആശുപത്രിയില് പ്രവേശിപ്പിച്ചു.
അപകടത്തെ തുടര്ന്ന് ഏറെ നേരം റോഡില് ഗതാഗത തടസപ്പെട്ടു. വടക്കുഭഗത്തു നിന്നും തെക്കുഭാഗത്തേക്ക് വരികയായിരുന്ന കാര് പൊടുന്നനെ വലത്തോട്ടുള്ള മീഡിയന് ഗ്യാപ്പിലൂടെ തിരിയുവാന് ശ്രമിക്കുന്നതിനിടെ പിന്നാലെ ലോഡുമായി എത്തിയ ലോറി ഇടിക്കുകയായിരുന്നു. ഇതിന് തൊട്ടു പിന്നാലെയെത്തിയ ലോറിയും കൂട്ടിയിടിച്ചു.
ഇടിയുടെ ആഘാതത്തില് ഏറ്റവും പിന്നാലെ എത്തിയ ലോറിയുടെ മുന്ഭാഗം പൂര്ണ്ണമായും തകരുകയും ടയര് പഞ്ചറാകുകയും ചെയ്തു. കാറിന്റെ പിന്നിലെ ഗഌസ് തകര്ന്നു. കാര് ഡ്രൈവറെ രക്ഷിക്കുവാന് ശ്രമിക്കുന്നതിനിടയിലാണ് അപകടം സംഭവിച്ചത്. അപകടത്തെ തുടര്ന്ന് അരൂര് പോലീസ് എത്തിയാണ് വാഹനങ്ങള് നീക്കിയത്.
പ്രതികരിക്കാൻ ഇവിടെ എഴുതുക: