പാനൂര്: രാഷ്ട്രീയ സ്വയംസേവക സംഘത്തിന്റെ ആഭിമുഖ്യത്തില് നടന്ന ഹിന്ദു സാമ്രാജ്യദിന മഹോത്സവത്തിന്റെ ഭാഗമായി വടക്കേപൊയ്ലൂരില് വയനാട് വനവാസി മേഖലകളിലെ ഇരുന്നൂറോളം കുടുംബങ്ങള്ക്ക് വേണ്ടി വസ്ത്രശേഖരണം നടത്തി. വസ്ത്രശേഖരണത്തില് ഗ്രാമത്തിലെ കുടുംബാംഗങ്ങള് ഒന്നടങ്കം സഹകരിച്ചു. സ്വയംസേവകര് സമാഹരിച്ച വസ്ത്രങ്ങള് ആര്എസ്എസ് ജില്ലാ സഹകാര്യവാഹ് കെ.ശ്രീജേഷില് നിന്നും ഹിന്ദു ഐക്യവേദി ജില്ലാ വൈസ് പ്രസിഡണ്ട് സുശാന്ത് ഏറ്റുവാങ്ങി. സൈനിക സേവനത്തില് നിന്നും വിരമിച്ച സുബൈദാര് ഭാസ്കരനെ ചടങ്ങില് ആദരിച്ചു. എസ്എസ്എല്സി, പ്ലസ്ടു പരീക്ഷകളില് ഉന്നത വിജയം കരസ്ഥമാക്കിയ രതിന് നാരായണന്, വിസ്മയ ബാബു, ഗീതാഞ്ജലി എന്നിവരെ ചടങ്ങില് അനുമോദിച്ചു. വടക്കേപൊയ്ലൂര് ശ്രീരാമ സേവാകേന്ദ്രത്തില് നടന്ന ചടങ്ങില് കെ.സി.നാണു അധ്യക്ഷത വഹിച്ചു. കെ.ശ്രീജേഷ് മുഖ്യ പ്രഭാഷണം നടത്തി. എന്.കെ.അനീഷ് സ്വാഗതവും ടി.നിധീഷ് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: