തളിപ്പറമ്പ്: നാടുകാണിയില് പട്ടാപ്പകല് വീട് കുത്തിത്തുറന്ന് കവര്ച്ച ചെയ്ത സംഭവത്തില് പോലീസ് അന്വേഷണം ഊര്ജ്ജിതമാക്കി. നാടുകാണി എളമ്പേരം പാറയിലെ മഠത്തില് അബ്ദുള്ളയുടെ വീട്ടിലാണ് കഴിഞ്ഞ ദിവസം കവര്ച്ച നടന്നത്. വാതില് തകര്ത്ത് അകത്ത് കടന്ന മോഷ്ടാക്കള് അലമാരയില് സൂക്ഷിച്ച 1.30 ലക്ഷം രൂപയും രണ്ട് മൊബൈല് ഫോണുകളുമാണ് കൊണ്ടുപോയത്. അബ്ദുള്ളയും കുടുംബവും പുറത്തുപോയ സമയത്തായിരുന്നു കവര്ച്ച. രാവിലെ 11നും 12നും ഇടയില് നടന്ന കവര്ച്ചയെക്കുറിച്ച് പോലീസ് ഊര്ജ്ജിതമായ അന്വേഷണം നടത്തിവരുന്നു. അടുത്തകാലത്തായി ജയിലില് നിന്നും പുറത്തിറങ്ങിയ മോഷ്ടാക്കളെ ചുറ്റിപ്പറ്റിയാണ് അന്വേഷണം പുരോഗമിക്കുന്നത്. തളിപ്പറമ്പ് ഡിവൈഎസ്പി സി.അരവിന്ദാക്ഷന്, സിഐ കെ.വിനോദ് കുമാര്, എസ്ഐ പി.രാജേഷ് തുടങ്ങിയവരുടെ നേതൃത്വത്തിലാണ് അന്വേഷണം.
പ്രതികരിക്കാൻ ഇവിടെ എഴുതുക: