കുമരകം: അപവാദ പ്രചരണത്തെ തുടര്ന്ന് മനംനൊന്ത് കുമരകം പഞ്ചായത്തുപടിക്കല് മണ്ണെണ്ണ ദേഹത്തൊഴിച്ച് ആത്മഹത്യശ്രമം നടത്തിയതിന് കാരണക്കാരായ സിപിഎം-ഡിവൈഎഫ്ഐ പ്രവര്ത്തകരെ ഉടന് അറസ്റ്റ് ചെയ്ത് ജയിലിലടയ്ക്കണമെന്ന് ബിജെപി ജില്ലാ പ്രസിഡന്റ് എന്.ഹരി പറഞ്ഞു. സ്ത്രീസംരക്ഷണം പറഞ്ഞ് അധികാരത്തിലേറിയവര് ദളിതര് ഉള്പ്പെടെയുള്ള സ്ത്രീസമൂഹത്തെ ജയിലിലടയ്ക്കാന് ഉത്സാഹിക്കുമ്പോഴാണ് കുടുംബിനിയായ ഒരു സ്ത്രീയെ സിപിഎംകാര് യാതൊരു കാരണവുമില്ലാതെ മാനസിക പീഡനത്തിനിരയാക്കിയത്. ഇക്കാര്യത്തില് നീതിപൂര്വ്വകമായ സമീപനം പോലീസിന്റെ ഭാാഗത്തുനിന്നും ഉണ്ടാകുമെന്നും അദ്ദേഹം പറഞ്ഞു. ബിജെപി പഞ്ചായത്തു കമ്മിറ്റി നടത്തിയ പ്രതിഷേധ ധര്ണ്ണ കുമരകം ചന്തക്കവലയില് ഉദ്ഘാടനം ചെയ്യുകയായിരുന്നു അദ്ദേഹം. രാഷ്ട്രീയ പകപോക്കലിന്റെ പേരില് കുടുംബജീവിതം തകര്ക്കുന്ന സിപിഎംകാരെ പൊതുസമൂഹം തിരിച്ചറിയണമെന്നും ഇത്തരക്കാര്ക്കെതിരെ ശക്തമായ നിയമനടപടികള് സ്വീകരിക്കണമെന്നും ബിജെപി കുമരകം പഞ്ചായത്ത് പ്രസിഡന്റ് വി.എന്.ജയകുമാര് ആവശ്യപ്പെട്ടു. ജനറല് സെക്രട്ടറി പി.കെ.സേതു, സതീഷ് കരുവേലില്, വിനോദ് കോക്കോത്ത്, പ്രശാന്ത് പറത്തറ, സനീഷ് നന്തികണ്ണന്തറ, സതീഷ്.കെ.എസ്, ഷൈലമ്മ മോനപ്പന്, ബിന്ദു കിഷോര്, ആര്യ സനീഷ് എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: