പൂച്ചാക്കല്: ജനരോക്ഷം ഉയര്ന്നതോടെ കള്ള് ഷാപ്പ് അടച്ചുപൂട്ടി. പാണാവള്ളി പഞ്ചായത്ത് ഒന്പതാം വാര്ഡില് ഊടുപുഴ റോഡിന് സമീപം ഇന്നലെ പുതുതായി തുടങ്ങിയ കള്ള് ഷാപ്പിനെതിരെയാണ് പ്രതിഷേധം ഉയര്ന്നത്. പൂച്ചാക്കല് സ്വദേശിയുടെ ഉടമസ്ഥയിലുള്ളതാണ് കെട്ടിടം. ഇവിടെ ഷാപ്പ് പ്രവര്ത്തിക്കുന്നതിനുള്ള യാതൊരു നിയമ നടപടികളും സ്വീകരിക്കാതെ പ്രവര്ത്തനം തുടങ്ങുകയായിരുന്നു.
ഇതോടെ സ്ത്രീകളടക്കമുള്ള പ്രദേശവാസികള് സംഘടിച്ച് ഷാപ്പിന് മുന്നില് കുത്തിയിരിപ്പ് സമരം തുടങ്ങി. ജനവാസകേന്ദ്രമായ ഇവിടെ ഷാപ്പ് പ്രവര്ത്തിക്കാന് പാടില്ലയെന്നും അടിയന്തരമായി അടച്ചുപൂട്ടണമെന്നുമായിരുന്നു ഇവരുടെ ആവശ്യം. നാളുകളായി അടഞ്ഞു കിടന്ന കെട്ടിടത്തില് ബോര്ഡ് സ്ഥാപിക്കാതെയാണ് ഇന്നലെ രാവിലെ ഷാപ്പ് പ്രവര്ത്തിക്കാന് തുടങ്ങിയത്.
പ്രദേശവാസികളുടെ പ്രതിഷേധം ശക്തമായതോടെ ജനപ്രതിനിധികള് ഇടപെട്ട് എക്സൈസ് അധികൃതരെ അറിയിക്കുകയും ഇവര് സ്ഥലത്തെത്തി ഷാപ്പ് അടച്ച് പൂട്ടിക്കുകയുമായിരുന്നു.
പ്രതികരിക്കാൻ ഇവിടെ എഴുതുക: