കണ്ണൂര്: കോഴിക്കോട്, വയനാട്, കാസര്കോട്, കണ്ണൂര്, മാഹി എന്നിവ ഉള്പ്പെടുന്ന ലയണ്സ് ക്ലബ് ഇന്റര് നാഷണലിന്റെ ഡിസ്ട്രിക്ട് 318 ഇയുടെ ഗവര്ണറായി കണ്ണൂരിലെ പ്രമുഖ ചാര്ട്ടേഡ് അക്കൗണ്ടന്റ് കെ.ശിവപ്രസാദിനെ തെരഞ്ഞെടുത്തു. ജപ്പാനിലെ പൂക്കപവോക്കയില് നടന്ന അന്തര്ദേശീയ കണ്വെന്ഷനില്വച്ച് ഡിസ്ട്രിക്ട് ഗവര്ണറായി അദ്ദേഹം ചുമതലയേറ്റു.
ചാര്ട്ടേഡ് അക്കൗണ്ടന്റ് അസോസിയേഷന് പ്രസിഡണ്ട്, കാനന്നൂര് ജേസീസ് പ്രസിഡണ്ട്, കണ്ണൂര് സംഗീത സഭ ലൈഫ് മെമ്പര് തുടങ്ങിയ സ്ഥാനങ്ങളില് പ്രവര്ത്തിച്ച ഇദ്ദേഹം കാനന്നൂര്ലയണ്സ് ക്ലബ്ബിലൂടെയാണ് സജീവമായത്. ഗ്ലോബല് ലീഡര്ഷിപ്പ് ടീം കോ-ഓര്ഡിനേറ്റര് കാനന്നൂര് ലയണ്സ് ക്ലബ് പ്രസിഡണ്ട് ലയണ്സ് സോണ് ചെയര്മാന് റീജിയണല് ചെയര്മാന്, ഡിസ്ട്രിക്ട് ചെയര് പേഴ്സണ്, ഡിസ്ട്രിക്ട് വൈസ് ഗവര്ണര് തുടങ്ങിയ നിലകളിലും പ്രവര്ത്തിച്ചിട്ടുണ്ട്. മികച്ച ചാപ്റ്റര് പ്രസിഡണ്ട്, സോണ് ചെയര്മാന്, ഡിസ്ട്രിക്ട് ചെയര്പേഴ്സണ് അവാര്ഡുകള് നേടിയിട്ടുണ്ട്. നീലേശ്വരം സ്വദേശിയായ ശിവപ്രസാദ് കണ്ണൂര് പള്ളിക്കുന്ന് മൂകാംബികാ ക്ഷേത്രത്തിന് സമീപമാണ് താമസം.
പ്രതികരിക്കാൻ ഇവിടെ എഴുതുക: