പയ്യന്നൂര്: തപസ്യ കലാസാഹിത്യവേദി പിലാത്തറ യൂണിറ്റ് അവതരിപ്പിക്കുന്ന നാടകം അവസാന ഘട്ട ഒരുക്കങ്ങള് പൂര്ത്തിയാക്കി അരങ്ങിലേക്കെത്തുന്നു. ആദ്യ പ്രദര്ശനം ഞായറാഴ്ച വൈകുന്നേരം 4 മണിക്ക് പിലാത്തറ ഭാരതീയ സംസ്കൃത മഹാവിദ്യാലയത്തില് തപസ്യയുടെ ജില്ലാ പഠനശിബിര വേദിയില് നടക്കും.
ഉത്തര മലബാറിലെ പുലി മറഞ്ഞതൊണ്ടച്ഛന് തെയ്യത്തിന്റെ ഐതിഹ്യവുമായി ബന്ധപ്പെട്ട കാരി ഗുരിക്കളുടെ കഥ ഭാരതത്തിലെ സമകാലീന രാഷ്ട്രവിരുദ്ധ പ്രവര്ത്തനങ്ങളുടെ പശ്ചാത്തലത്തില് അവതരിപ്പിക്കുന്നതാണ് നാടകം. ദളിത് സമൂഹത്തെ ഭിന്നിപ്പിച്ചു നിര്ത്തി രാജ്യത്തിനെതിരെ തിരിച്ചുവിടുന്നതിനെ ചോദ്യം ചെയ്യുന്നു നാടകം.
പ്രശാന്ത് ബാബു കൈതപ്രം രചനയും രാമകൃഷ്ണന് വെങ്ങര സംവിധാനവും നിര്വ്വഹിച്ചു.സന്തോഷ്, ബാബു മാനുവല്, പ്രഭാകരന് മടപ്പള്ളി, രാജേഷ് മാടായി, എം.കെ.താരാപുരം, വേണുനായര് താവം, സി.ജി.ജോണ്സണ്, കെ.മുകുന്ദന് എന്നിവര് അഭിനയിക്കുന്നു.
പ്രതികരിക്കാൻ ഇവിടെ എഴുതുക: