കോട്ടയം: നാഗമ്പടം പനയിക്കഴിപ്പ് ഭാഗത്ത് നാട്ടുകാരുടെ ഉറക്കംകെടുത്തിക്കൊണ്ട് മോഷ്ടാക്കള് വിലസുന്നു. കഴിഞ്ഞദിവസം രാത്രി ആദിഭവനത്തില് സന്തോഷിന്റെ വീട്ടിലാണ് അവസാനമായി മോഷണശ്രമം നടന്നത്. വീടിന്റെ മേല്ക്കൂരയില് കയറിയ മോഷ്ടാവ് ഓടിളക്കി മുറിക്കുള്ളില് കയറുവാന് ശ്രമിച്ചു. ബഹളംകേട്ട് വീട്ടുകാര് ഉണര്ന്നപ്പോഴേക്കും മോഷ്ടാവ് ഓടിരക്ഷപ്പെട്ടു. ഓടിളക്കുന്നതിനിടയില് ഓടുമുറിക്കുള്ളില് വീണെങ്കിലും ഉറങ്ങിക്കിടന്നവര് പരിക്കേല്ക്കാതെ രക്ഷപ്പെട്ടു. ധാരാളം അന്യസംസ്ഥാന തൊഴിലാളികള് കൂട്ടത്തോടെ താമസിക്കുന്ന സ്ഥലംകടിയാണിത്. മുന്പും ഈ ഭാഗത്ത് നിരവധി തവണ മോഷണശ്രമം നടന്നിട്ടുണ്ട്. രാത്രികാല പെട്രോളിംഗും നിരീക്ഷണവും പോലീസിന്റെ ഭാഗത്തുനിന്നും ഉണ്ടാകണമെന്നതാണ് നാട്ടുകാരുടെ ആവശ്യം. സംഭവത്തില് ബിജെപി വാര്ഡ് കമ്മിറ്റി ഉത്കണ്ഠ രേഖപ്പെടുത്തി. ഇക്കാര്യത്തില് കര്ശനമായ നടപടികള് അധികാരികളുടെ ഭാഗത്തുനിന്നും ഉണ്ടാകണമെന്ന് വാര്ഡ് പ്രസിഡന്റ് രാമചന്ദ്രന് നായരുടെ സെക്രട്ടറി സുനിലും ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: