മരട്: കുണ്ടന്നൂര്-തേവര ടോള് പിരിവ് റദ്ദാക്കിയ കോടതി ഉത്തരവില് ടോള് വിരുദ്ധ ജനകീയ സമിതി നടത്തിയ ആഹ്ലാദ പ്രകടനം നടത്തി. നഗരസഭാ കാര്യാലയത്തിന് മുന്നില് തുടങ്ങി കുണ്ടന്നുര് ജംക്ഷനിലൂടെ ടോള് ഗേറ്റില് സമാപിച്ചു. ടെന്ഡര് നടപടി പൂര്ത്തിയാതാതെ കരാര് നീട്ടിക്കൊടുക്കാനുള്ള നീക്കമാണ് താല്ക്കാലിക ഉത്തരവിലൂടെ തടഞ്ഞത്.
മരട് നഗരസഭ രൂപം കൊടുത്ത സമിതിക്കു വേണ്ടി മരട് ശിവ പ്രസാദം ആശ്രമ ആചാര്യന് കെ.വി. തമ്പിയാണ് ഹര്ജി സമര്പ്പിച്ചത്. നിയമ നടപടികള് തുടരുമെന്നും മരട് നിവാസികള്ക്ക് ടോള് ബാധകമല്ലാത്ത നിലയിലേക്ക് കൊണ്ടു വരുമെന്നും യോഗത്തില് അധ്യക്ഷത വഹിച്ച സമിതി അധ്യക്ഷനും നഗരസഭ വൈസ് ചെയര്മാനുമായ കെ.എ. ദേവസി പറഞ്ഞു.
പതിനഞ്ച് വര്ഷത്തില് ഏറെയായി തുടരുന്ന ടോള് പിരിവ് നിറുത്തണം എന്നു തന്നെയാണ് പ്രധാന ആവശ്യം. പിരിക്കുന്നെങ്കില് നിരക്കു വര്ധന പാടില്ലെന്നും മരട് നിവാസികളെ ടോളില് നിന്ന് ഒഴിവാക്കണമെന്നും സമിതി ആവശ്യപ്പെട്ടു.
നഗരസഭാധ്യക്ഷ ദിവ്യ അനില്കുമാര് ഉദ്ഘാടനം ചെയ്തു. സമിതി ജനറല് കണ്വീനറും മരട് നഗരസഭ പ്രതിപക്ഷ നേതാവുമായ ആന്റണി ആശാന്പറമ്പില്, സ്ഥിരം സമിതി അധ്യക്ഷര്, സമതി ഭാരവാഹികള് തുടങ്ങിയവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: