തൊക്കിലങ്ങാടി: ഭാരത്സ് സ്കൗട്ട്സ് ആന്റ് ഗൈഡ്സിന്റെ ചീഫ് മിനിസ്റ്റേഴ്സ് ഷീല്ഡ് പ്രോഗ്രാമിന്റെ ഭാഗമായി കൂത്തുപറമ്പ് ഹയര് സെക്കന്ററി സ്കൂളിലെ സ്കൗട്സ് ആന്റ് ഗൈഡ്സ് വിദ്യാര്ത്ഥികളുടെ നേതൃത്വത്തില് ലഹരിവിരുദ്ദ മ്യൂസിക്കല് കാമ്പയിന് നടത്തി. അറിഞ്ഞും അറിയാതെയും ലഹരിക്ക് അടിമപ്പെടുന്ന കുട്ടികളുടെയും യുവാക്കളുടെയും സ്ത്രീ സമൂഹത്തിന്റെയും നേര്ക്കാഴ്ചയായി ആളെ മയക്കുന്ന ലഹരി എന്ന മ്യൂസിക്കല് പ്രോഗ്രാം ഹയര് സെക്കന്ററി വിദ്യാര്ത്ഥികള്ക്ക് വേറിട്ട അനുഭവം പകര്ന്നു. മ്യൂസിക്കിന്റെയും പ്ലക്കാര്ഡിന്റെയും ലഹരി അനുബന്ധ ഉത്പ്പന്നങ്ങളുടെയും മാതൃകകള് ഉപയോഗിച്ച് ലഹരിയുടെ ദൂഷ്യഫലങ്ങളെ തിരിച്ചറിയിക്കുന്ന ഈ പരിപാടിക്ക് സിവില് എക്സൈസ് ഓഫീസര്മാരായ കെ.ചന്ദ്രശേഖരന്, എം.കെ.പ്രസന്ന, സ്കൂള് പ്രിന്സിപ്പാള് പി.കെ.ചന്ദ്രമതി, പി.മോഹനന് മാസ്റ്റര്, വി.വി.സുഗേഷ്, എം.വി.സീന എന്നിവര് നേതൃത്വം നല്കി. കിഴക്കല് ഡല്ഹിയിലെ പാന്മസാലക്കടയില് നിന്ന് മര്ദ്ദനമേറ്റ് മരിച്ച രജത് മേനോന് എന്ന വിദ്യാര്ത്ഥിയുടെ കൊലപാതകത്തില് സ്കൗട്ട്സ് ആന്റ് ഗൈഡ്സ് വിദ്യാര്ത്ഥികള് പ്രതിഷേധിച്ചു.
പ്രതികരിക്കാൻ ഇവിടെ എഴുതുക: