പാറ്റ്ന: ബിഹാറില് ഒമ്പതു ഭീകരര് അറസ്റ്റില്. നിരോധിത സംഘടനയായ തൃതീയ പ്രസ്തുതി കമ്മിറ്റിയിലെ അംഗങ്ങളാണ് അറസ്റ്റിലായത്.
റോഹ്താസ് ജില്ലയിലെ പനീര്ഗട്ടില്നിന്നാണ് ഭീകരരെ പിടികൂടിയത്. ഇവരില്നിന്ന് ആയുധങ്ങളും സ്ഫോടക വസ്തുക്കളും പിടിച്ചെടുത്തു. മൂന്നു റൈഫിളുകള്, മൂന്നു പിസ്റ്റളുകള്, 43 തിരകള്, 40 ഡിറ്റണേറ്ററുകള് എന്നിവയാണ് ഇവരില്നിന്നു പിടിച്ചെടുത്തത്.
എസ്പി എം.എസ്. ധില്ലന്റെ നേതൃത്വത്തിലുള്ള സംഘമാണു ഭീകരരെ അറസ്റ്റ് ചെയ്തതെന്നു പോലീസ് അറിയിച്ചു.
പ്രതികരിക്കാൻ ഇവിടെ എഴുതുക: