അടിമാലി: ഉണക്ക കഞ്ചാവുമായി മൂന്നുപേരെ അടിമാലി എക്സൈസ് റേഞ്ച് ഓഫീസര് കെ.പി. സുജിത്തിന്റെ നേതൃത്വത്തിലുള്ള സംഘം അറസ്റ്റു ചെയ്തു. കല്ലാര് പീച്ചാട് ആലുങ്കല് ഗോകുല് റെജി (20), അടിമാലി എട്ടമുറി പഴമ്പിള്ളില് ശ്രീകുമാര് ശിവശങ്കരപ്പിള്ള (36), പഴമ്പിള്ളില് നവാസ് ഹനീഫ (22) എന്നിവരെയാണ് അറസ്റ്റു ചെയ്തത്. ഇവിടെ കഞ്ചാവ് വില്പന വ്യാപകമായതായി ലഭിച്ച വിവരത്തിന്റെ അടിസ്ഥാനത്തില് നടത്തിയ പരിശോധനയില് ഇന്നലെ രാവിലെ 11.30നാണ് എട്ടുമുറിയ്ക്കു സമീപത്തുനിന്നും ഗോകുലിനെ കസ്റ്റഡിയില് എടുത്തത്. 25 ഗ്രാം കഞ്ചാവാണ് ഇയാളില് നിന്നും കണ്ടെടുത്തത്. ഇയാള് സഞ്ചരിച്ച ബൈക്കും പിടിച്ചെടുത്തു. ഗോകുല് നല്കിയ വിവരം അനുസരിച്ച് ഇയാള്ക്ക് കഞ്ചാവ് നല്കിയവരാണ് ശ്രീകുമാറും നവാസും. ഇവരെ ഉച്ചകഴിഞ്ഞ് രണ്ടരയോടെ എട്ടുമുറിയില് നിന്നും പിടികൂടുകയായിരുന്നു. 50 ഗ്രാം കഞ്ചാവാണ് ഇവരില് നിന്നും കണ്ടെടുത്തത്. ഇവര് സഞ്ചരിച്ചിരുന്ന ഓട്ടോറിക്ഷയും ഉദ്യോഗസ്ഥര് പിടിച്ചെടുത്തു.
പ്രതികരിക്കാൻ ഇവിടെ എഴുതുക: