കണ്ണൂര്: പട്ടികജാതി വിദ്യാര്ത്ഥികള്ക്ക് പ്രോത്സാഹന സമ്മാനം അനുവദിക്കുന്നതിന് അപേക്ഷ ക്ഷണിച്ചു. 2016 മാര്ച്ച്/ഏപ്രില് മാസങ്ങളിലെ പൊതുപരീക്ഷകളില് ജില്ലയിലെ വിവിധ സ്ഥാപനങ്ങളില് നിന്ന് എസ്എസ്എല്സി/ഹയര് സെക്കണ്ടറി/ഡിഗ്രി/ഡിപ്ലോമ/ടി ടി സി/പ്രൊഫഷണല് മുതലായ കോഴ്സുകളില് ഒന്നാം ക്ലാസ്/ഡിസ്റ്റിംഗ്ഷന് നേടി വിജയിച്ചവര്ക്കാണ് അര്ഹത. ഡിപ്ലോമ, ടിടിസി, ബിരുദം, ബിരുദാനന്തര ബിരുദം, പ്രൊഫഷണല് എന്നീ കോഴ്സുകള്ക്ക് 60 ശതമാനം മാര്ക്ക് ലഭിച്ചവര്ക്ക് അപേക്ഷിക്കാം. പേരും മേല്വിലാസവും, ജാതി, പാസായ കോഴ്സ്, പഠിച്ച സ്കൂളിന്റെ/കോളേജിന്റെ പേര് എന്നിവ രേഖപ്പെടുത്തി നിശ്ചിത ഫോറത്തില് തയ്യാറാക്കി അപേക്ഷ ജാതി സര്ട്ടിഫിക്കറ്റിന്റെയും മാര്ക്ക് ലിസ്റ്റിന്റെയും സ്വയം സാക്ഷ്യപ്പെടുത്തിയ പകര്പ്പുകള് സഹിതം സിവില് സ്റ്റേഷനില് പ്രവര്ത്തിക്കുന്ന ജില്ലാ പട്ടികജാതി വികസന ഓഫീസില് സമര്പ്പിക്കണം.
പ്രതികരിക്കാൻ ഇവിടെ എഴുതുക: