കോട്ടയം: കേന്ദ്രത്തില് അധികാരത്തിലിരിക്കുന്ന നരേന്ദ്രമോദി സര്ക്കാര് ആവിഷ്ക്കരിക്കുന്ന ജനക്ഷേമ- വികസന പദ്ധതികള് സംസ്ഥാനത്ത് അട്ടിമറിക്കപ്പെടുകയാണെന്ന് ബിജെപി ജില്ലാ ജനറല് സെക്രട്ടറി ജി.ലിജിന്ലാല് ആരോപിച്ചു. ബിജെപി കോട്ടയം മുനിസിപ്പല് ടൗണ് പ്രവര്ത്തക കണ്വെന്ഷന് ഉദ്ഘാടനം ചെയ്യുകയായിരുന്നു അദ്ദേഹം. സ്കില്ഡവലപ്പ്മെന്റ് പദ്ദതി നടപ്പിലാക്കാത്തത് ഇതിന് ഉദാഹരണമാണ്. പിണറായി വിജയന് അധികാരത്തില് വന്നതിന്ശേഷം ക്രമസമാധാനം പൂര്ണ്ണമായി തകര്ന്നനിലയിലാണ്. സിപിഎം പ്രവര്ത്തകരെ നേതൃത്വത്തിന് പോലും നിയന്ത്രിക്കാന് കഴിയാത്ത അവസ്ഥയിലാണ്. കേരളത്തില് വലിയരാഷ്ട്രീയപരിവര്ത്തനത്തിന് തുടക്കം കുറിച്ച തെരഞ്ഞെടുപ്പായിരുന്നു കഴിഞ്ഞ നിയമസഭാ തെരഞ്ഞെടുപ്പ്. ഇരുമുന്നണികളെയുമപേക്ഷിച്ച് എന്ഡിഎക്ക് സ്വീകാര്യത വര്ദ്ധിച്ചിരിക്കുകയാണെന്നും ലിജിന്ലാല് അഭിപ്രായപ്പെട്ടു. മുനിസിപ്പല് ടൗണ് പ്രസിഡന്റ് നാസര് റാവുത്തര് അദ്ധ്യക്ഷത വഹിച്ചു. സംസ്ഥാനസമിതി അംഗങ്ങളായ അഡ്വ. എം.എസ്. കരുണാകരന്, ടി.എന്. ഹരികുമാര്, നിയോജകമണ്ഡലം പ്രസിഡന്റ് സി.എന്. സുഭാഷ്, യുവമോര്ച്ച ജില്ലാ ജനറല് സെക്രട്ടറി വി. പി. മുകേഷ്, കുസുമാലയം ബാലകൃഷ്ണന്, ഡി. എല്. ഗോപി, രമേശ് കല്ലില്, അഡ്വ. സ്മിതജയന്, അനിത മോഹന്, ഹരി കിഴക്കേടത്ത്, ആര്. രാജു, ഇന്ദിരദേവി, സിന്ധു അജിത്ത്, എം. എസ്. അനില്കുമാര്, ജി.കെ. ഹരി തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: