ചാത്തന്നൂര്: സിപിഎം ക്രിമിനല്സംഘത്തിന്റെ ആക്രമണത്തില് ബിജെപി പ്രവര്ത്തകന് പരിക്കേറ്റു.
ആദിച്ചനല്ലൂര് പ്ലാക്കാട് ബിജെപി പ്രവര്ത്തകനുനേരെ ആക്രമണം ഉണ്ടായത്. പ്ലാക്കാട് വിജിത്ത് ഭവനില് വിജിത്തിനാണ്(29) ഗുരുതരമായി പരിക്കേറ്റത്. ഞായറാഴ്ച രാത്രി എട്ടരയോടുകൂടി ബന്ധു വീട്ടില് പോയി മടങ്ങിവരുമ്പോള് പ്ലാക്കാട് പബ്ലിക് ലൈബറിയുടെ മുന്നില്വച്ചായിരുന്നു സിപിഎം ഗുണ്ടകള് വിജിത്തിനെ സംഘം ചേര്ന്ന് ആക്രമിച്ചത്. സിപിഎമ്മിന്റെ സജീവ പ്രവര്ത്തകരും നിരവധി കേസുകളിലെ പ്രതികളുമായ ശ്രീലാല്, വിനീത് എന്നിവരുടെ നേതൃത്വത്തിലായിരുന്നു ആക്രമണം. മാരകായുധങ്ങള് ഉപയോഗിച്ച് തല അടിച്ചുപൊട്ടിക്കുകയും കൈവശമുണ്ടായിരുന്ന 6800 രൂപ ഇവര് അപഹരിക്കുകയും ചെയ്തു. തലപൊട്ടി ചോരയില് വാര്ന്നുകിടന്ന വിജിത്തിനെ നാട്ടുകാരാണ് ആശുപത്രിയില് എത്തിച്ചത്. തലക്ക് ഏഴോളം തുന്നലുകളുള്ള വിജിത്ത് ജില്ലാ ആശുപത്രിയില് ചികിത്സയിലാണ്.
പ്രതികരിക്കാൻ ഇവിടെ എഴുതുക: