കുമരകം: ഗ്രാമപഞ്ചായത്തിന്റെ ഔദ്യോഗിക വാഹനം ദുരുപയോഗം ചെയ്യുന്ന എല്ഡിഎഫ് പഞ്ചായത്ത് ഭരണസമിതിക്കെതിരെ ബിജെപി പ്രക്ഷോഭത്തിലേക്ക് വികസനം സാദ്ധ്യമാക്കാതെ പഞ്ചായത്ത് പ്രസിഡന്റിന്റെ ഒത്താശയോടെ ചെയ്യുന്ന ഇത്തരം വിലകുറഞ്ഞ സമീപനത്തിനെതിരെ കുമരകം പഞ്ചായത്ത്പടിക്കല് ബഹുജനപ്രക്ഷോഭം സംഘടിപ്പിക്കുന്നതിന് ബിജെപി കുമരകം പഞ്ചായത്ത് കമ്മിറ്റി തീരുമാനിച്ചു. ഇടതുപക്ഷം നേതൃത്വം നല്കുന്ന സംഘടനകളുടെയും നേതാക്കളുടെയും ആവശ്യങ്ങള്ക്കായി ജീപ്പ് അനധികൃതമായി ഉപയോഗിക്കുന്നതിനെതിരെ പലപ്രാവശ്യം പ്രതിഷേധിച്ചിട്ടും ഫലം ഉണ്ടായില്ല. അടിസ്ഥാന വികസനത്തിന് മാറ്റിവച്ച തനതുഫണ്ടില്നിന്നും ഡീസല്വാങ്ങുന്നതിനും ജീപ്പിന്റെ അറ്റകുറ്റപ്പണിക്കും ആയിരക്കണക്കിന് രൂപയാണ് പ്രതിമാസം ഗ്രാമപഞ്ചായത്ത് ചിലവാക്കുന്നത്. ഇനിയും ഇത് അനുവദിക്കില്ലെന്ന് ബിജെപി നേതാക്കള് പറഞ്ഞു. പ്രതിഷേധ യോഗത്തില് ബിജെപി പഞ്ചായത്തംഗങ്ങളായ വി.എന്.ജയകുമാര് അദ്ധ്യക്ഷത വഹിച്ചു. പി.കെ.സേതു, സതീഷ് കരിവേലി, പ്രശാന്ത് പറത്തറ, വിനോദ് കോക്കോത്തച്, സുരേഷ്.കെ.എസ് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: