വെള്ളൂര് : ബിജെപി വെള്ളൂര് പഞ്ചായത്ത് കമ്മിറ്റി ഓഫീസ് ഉദ്ഘാടനം ചെയ്തു. ജില്ലാ വൈസ്പ്രസിഡന്റ് പി.ജി. ബിജുകുമാര് ഉദ്ഘാടനം കര്മ്മം നിര്വ്വഹിച്ചു. ബിജെപി ഓഫീസ് ഗ്രാമത്തിന്റെ സമഗ്ര വികസനത്തിനുള്ള പദ്ധതികളുടെ ആസൂത്രണ കേന്ദ്രമായി മാറണമെന്ന് ബിജുകുമാര് പറഞ്ഞു. സംസ്ഥാന ബജറ്റ് പഞ്ചായത്തിനെ പരിപൂര്ണ്ണമായി അവഗണിച്ചു. ഭരണാധികാരികളുടെ അവഗണനക്കും കെടുകാര്യസ്ഥതക്കുമെതിരായ ജനകീയമുന്നേറ്റത്തിന്റെ പ്രഭവ കേന്ദ്രമായും ഓഫീസ് മാറണമെന്നും അദ്ദേഹം അഭിപ്രായപ്പെട്ടു. ഗ്രാമ പഞ്ചായത്ത് ഓഫീസിനു സമീപം ചേലാട്ട് ബില്ഡിംഗിലാണ് പാര്ട്ടി ഓഫീസ് പ്രവര്ത്തിക്കുന്നത്. ഓഫീസ് അങ്കണത്തില് നടന്ന ചടങ്ങില് ബിജെപി മേഖലാ പ്രസിഡന്റ് പി.സി. ബിനേഷ് കുമാര് അദ്ധ്യക്ഷത വഹിച്ചു. നിയോജകമണ്ഡലം പ്രസിഡന്റ് റ്റി. വി. മിത്രലാല്, ആര്എസ്എസ് താലൂക്ക് സംഘചാലക് എന്. മധു, ഹിന്ദുഐക്യവേദി പഞ്ചായത്ത് ചെയര്മാന് എന്. കെ.മുരളീധരന്. ബിഡിജെഎസ് പഞ്ചായത്ത് പ്രസിഡന്റ് ചന്ദ്രബോസ്. ട്രഷറര് വി .ഡി റോജി, പി.ഏ.ഉണ്ണിക്യഷണന്, റ്റി.കെ.സുനില്കുമാര്, പി.ഡി. സുനില്ബാബു,മന്മദന്, ചന്ദ്രശേഖരന് പാലക്കാട്ട്, വി.എന്. ചന്ദ്രശേഖരന് ,ടി കെ പ്രദീപ്കുമാര്, വിജയ്, എന് എസ് അജയ്കുമാര് ,നിശാന്ദ് തുടങ്ങിയവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: