കണ്ണൂര്: പള്ളിക്കുളം സേവാ ട്രസ്റ്റ് സമാധി വാര്ഷികത്തോടനുബന്ധിച്ച് ഇടച്ചേരി എല്പി സ്കൂള് കടലായി എല്പി സ്കൂള് എന്നീ സ്കൂളിലെ മുഴുവന് കുട്ടികള്ക്കും സൗജന്യമായി യൂണിഫോം വിതരണം ചെയ്തു. സ്ഥാപകനും മാനേജിംഗ് ട്രസ്റ്റിയുമായിരുന്ന എ.ലക്ഷ്മണന് മാസ്റ്ററുടെ 22-ാം ചരമവാര്ഷികത്തോടനുബന്ധിച്ചാണ് പരിപാടി സംഘടിപ്പിച്ചത്. അഡ്വ.കെ.കെ.ബാലറാം അനുസ്മരണ പ്രഭാഷണം നടത്തി. ലക്ഷ്മണന് മാസ്റ്ററുടെ പേരില് സ്ഥിരമായി ഏര്പ്പെടുത്തിയ എന്ഡോവ്മന്റ് കേഷ് അവാര്ഡ് എസ്എസ്എല്സി പരീക്ഷയില് ചിറക്കല് രാജാസ് ഹയര്സെക്കണ്ടറി സ്കൂളില്നിന്ന് മുഴുവന് വിഷയങ്ങളിലും എപ്ലസ് നേടിയ അനാമിക, അനുപ്രിയ, അനുപമ, അശ്വതി, ഗോകുല് എന്നിവര്ക്കും പള്ളിക്കുന്ന് ഗവ.ഹയര്സെക്കണ്ടറി സ്കൂളില് നിന്ന് മുഴുവന് എപ്ല്സ് നേടിയ സോണിമ കൃഷ്ണന്, സാനിയ, ഹരികൃഷ്ണന്, ജ്വലനശ്രീ, നീമ വത്സലന്, നേഹ വത്സലന്, ആനന്ദ്, നവീന്, വിശ്രുത് സാരഥി, അനഘ എന്നിവര്ക്കും നല്കി. ചടങ്ങില് ഇടച്ചേരി എല്പി സ്കൂളില് 36 വര്ഷമായി സേവനം അനുഷ്ടിച്ചുവരുന്ന ഹെഡ്മാസ്റ്റര് സി.വി.രാമചന്ദ്രന് മാസ്റ്ററെ മാനേജിംഗ് ട്രസ്റ്റി എംഎം.ലക്ഷ്മണന് പൊന്നാടയണിയിച്ച് ആദരിച്ചു. സി.വി.രാമചന്ദ്രന് യൂണിഫോം വിതരണവും എന്ഡോവ്മെന്റ് വിതരണവും നടത്തി. അഡ്വ.കെ.കെ.ബാലറാം അധ്യക്ഷത വഹിച്ചു. കെ.വി.സുരേന്ദ്രന് സ്വാഗതവും സി.സി.രമേശന് നന്ദിയും രേഖപ്പെടുത്തി. പി.ദാമോദരന് നമ്പ്യാര്, എ.ഉല്ലാസ്കുമാര് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: