കോഴിക്കോട് : ദിവസവേതന അടിസ്ഥാനത്തില് ജോലി ചെയ്യുന്ന പമ്പ് ഓപ്പറേറ്റര്മാര്ക്ക് വേതനം നല്കുന്നതിനുള്ള ഫണ്ട് അടിയന്തിരമായി അനുവദിക്കണമെന്ന് സംസ്ഥാന മനുഷ്യാവകാശ കമ്മീഷന് ജൂഡീഷ്യല് അംഗം പി. മോഹനദാസ് ജല അതോറിറ്റിക്ക് നിര്ദ്ദേശം നല്കി.
2011 ല് പമ്പ് ഓപ്പറേറ്ററായി ജോലിചെയ്ത കണ്ണങ്കര സ്വദേശി കെ. സഹദേവന് നല്കിയ പരാതിയിലാണ് ഉത്തരവ്. കമ്മീഷന് ജല അതോറിറ്റിയില് നിന്നും വിശദീകരണം വാങ്ങിയിരുന്നു. പരാതിക്കാരന് മലാപറമ്പ് റൂറല് വാട്ടര് സപ്ലൈ സ്കീമില് പമ്പ് ഓപ്പറേറ്ററായി ജോലി ചെയ്തിട്ടുണ്ടെന്ന് ജല അതോറിറ്റി വിശദീകരണത്തില് സമ്മതിച്ചു. ദിവസ വേതനക്കാര്ക്ക് വേതനം നല്കാന് ഫണ്ട് ലഭ്യമാക്കണമെന്നും പി. മോഹനദാസ് ജല അതോറിറ്റിക്ക് നിര്ദ്ദേശം നല്കി.
വേതനം നല്കിയ ശേഷം രണ്ട് മാസത്തിനകം കമ്മീഷനില് വിശദീകരണം നല്കണമെന്നും ആവശ്യപ്പെട്ടിട്ടുണ്ട്.
പ്രതികരിക്കാൻ ഇവിടെ എഴുതുക: