ചെറുപുഴ: പുഴയിലും മെയിന് റോഡിലുമായി അറവുമാലിന്യങ്ങള് വലിച്ചെറിഞ്ഞത് നാട്ടുകാര്ക്ക് ദുരിതമായി. കാര്യങ്കോടു പുഴയില് പുളിങ്ങോം പാലത്തിനു താഴെയാണ് ചാക്കിലും പ്ലാസ്റ്റിക് കൂടുകളിലും കെട്ടി അറവുമാലിന്യങ്ങള് തള്ളിയത്. കോഴിയുടെ അവശിഷ്ടങ്ങളാണ് കൂടുതലും. ചത്ത പന്നിയേയും പുഴയിലേക്ക് വലിച്ചെറിഞ്ഞ നിലയില് കണ്ടെത്തി. പുളിങ്ങോം പുതിയ പാലത്തില് നിന്നും താഴേക്കിട്ട മാലിന്യങ്ങളേറെയും വെള്ളത്തില് ഒഴുകിപ്പോയി. ഇരുപതോളം മാലിന്യക്കെട്ടുകള് പുഴയോരത്ത് അടിഞ്ഞുകിടക്കുകയാണ്. പുഴയില് മാലിന്യമൊഴുക്കിയതിനു പിന്നാലെ ചെറുപുഴ പാടിയോട്ടുചാല് മെയിന് റോഡില് കുണ്ടംതടം, മച്ചിയില് ഭാഗങ്ങളില് പാതയോരത്ത് കോഴി മാലിന്യങ്ങള് ചാക്കില് കെട്ടിവലിച്ചെറിഞ്ഞതും വലിയ പ്രതിഷേധത്തിനിടയാക്കി. മഴയില് മാലിന്യങ്ങള് ചീഞ്ഞളിഞ്ഞ് കടുത്ത ദുര്ഗന്ധം പരത്തുകയാണ്. സമാനമായ ഇത്തരം നിരവധി സംഭവങ്ങള് ഉണ്ടായിട്ടുണ്ടെങ്കിലും കുറ്റക്കാരേ കണ്ടെത്തുന്നതിനോ നിയമത്തിനു മുന്നില് കൊണ്ടുവരുന്നതിനോ അധികൃതര്ക്ക് കഴിയുന്നുമില്ല.
പ്രതികരിക്കാൻ ഇവിടെ എഴുതുക: