ബാലുശ്ശേരി. ആധാരം എഴുത്ത് തൊഴില്സംരക്ഷിക്കുക,സ്വയം ആധാരം എഴുതാമെന്നുള്ള തൊഴിലാളിവിരുദ്ധഉത്തരവ് പിന്വലിക്കുക,രേഖകളുടെ സുരക്ഷിതത്വം ഉറപ്പുവരുത്തുക തുടങ്ങിയ ആവശ്യങ്ങള് ഉന്നയിച്ച് ആധാരം എഴുത്ത് അസോസിയേഷന് സംസ്ഥാന കമ്മിറ്റിയുടെ ആഹ്വാനപ്രകാരം എകെഡിഡബ്ല്യു ആന്റ് എസ് എ ബാലുശ്ശേരി യുണിറ്റിന്റെ ആഭിമുഖ്യത്തില് ബാലുശ്ശേരി സബ്ബ് റജിസ്ട്രാഫിസിന് മുന്നില് നടത്തിയ ധര്ണ്ണ. ഇസ്മായില് കുറുമ്പൊയില് ഉദ്ഘാടനം ചെയ്തു.
യൂണിറ്റ് പ്രസിഡണ്ട് കേളോത്ത് രവീന്ദ്രന് അദ്ധ്യക്ഷത വഹിച്ചു. സി. രാജന്മാസ്റ്റര്, ബിജെപി നിയോജകമണ്ഡലം പ്രസിഡണ്ട് എന്.പി. രാമദാസ്, ആധാരം എഴുത്ത് അസോസിയേഷന് സംസ്ഥാന കമ്മിറ്റി അംഗം നസീര് അഹമ്മദ് എന്നിവര് സംസാരിച്ചു. ധര്മ്മരാജന് സ്വാഗതവും കെ.കെ. സത്യന് നന്ദിയും പറഞ്ഞു.
വടകര: വടകര സബ് രജിസ്ട്രാര് ഓഫീസിനു മുന്നില് ആധാരം എഴുത്തുകാര് ധര്ണ നടത്തി. ആധാരം എഴുത്ത് ജോലി ആധാരം എഴുത്ത് ലൈസന്സികള്ക്കായി സംവരണം ചെയ്യുക, ആധാരം എഴുത്ത് തൊഴില് സംരക്ഷിക്കുക തുടങ്ങിയ ആവശ്യങ്ങള് ഉന്നയിച്ച് നടന്ന ധര്ണാസമരം ബിജെപി സംസ്ഥാന സെക്രട്ടറി വി.കെ. സജീവന് ഉദ്ഘാടനം ചെയ്തു. മോട്ടോര് തൊഴിലാളി യൂണിയന് ഐഎന്ടിയുസി സംസ്ഥാന പ്രസിഡന്റ് അഡ്വ. ഇ. നാരായണന് നായര്, കെ. ബാലരാമന്, കെ.വി. രതീശന്, പി.എം. നരേന്ദ്രന്, എന്.സജീഷ്, സി. പ്രദീപന് എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: