ആലപ്പുഴ: സ്വകാര്യ ബസ്സുകളുടെ മത്സര ഓട്ടം സംഘര്ഷത്തില് കലാശിച്ചു. യാത്രക്കാര് വലഞ്ഞു. ഇന്നലെ രാവിലെ 11 ഓടെ ദേശീയ പാതയില് അറവുകാടുഭാഗത്തായിരുന്നു സംഭവം. ആലപ്പുഴ റെയില്വേ സ്റ്റേഷനില് നിന്നും അമ്പലപ്പുഴക്കു പോകുകയായിരുന്ന സ്വകാര്യ ബസ്സിലെ ജീവനക്കാരും ആലപ്പുഴയില് നിന്നും അമ്പലപ്പുഴക്കു പോകുകയായിരുന്ന മറ്റൊരു ബസ്സിലെ ജീവനക്കാരും തമ്മിലാണ് സമയത്തെച്ചൊല്ലി തര്ക്കമുണ്ടായത്.
തുടര്ന്ന് ഇരുബസുകളും മത്സരിച്ച് ഓടി ഗതാഗതതടസ്സം സൃഷ്ടിക്കുകയും ഒരുബസിലെ ജീവനക്കാരന് മറ്റേ ബസിന്റെ സൈഡ് ഗ്ലാസ്സ് അടിച്ചു തകര്ക്കുകയുമായിരുന്നു. ഇതോടെ യാത്രക്കാര് വലഞ്ഞു. കുണ്ടും കുഴിയുമായ ദേശീയ പാതയില്ക്കൂടി ഇരു വാഹനങ്ങളും മത്സര ഓട്ടം നടത്തിയത് മറ്റു വാഹനയാത്രക്കാരെയും ബുദ്ധമുട്ടിലാക്കി.
ബസ് യാത്രക്കാര് പലരും ഭയപ്പാടിലാവുകയും ചെയ്തു. പുന്നപ്ര എസ്ഐ ബി.ഡി.ബിജുവിന്റെ നേതൃത്വത്തിലുള്ള പോലീസെത്തിയതോടെയാണ് സംഘര്ഷത്തിന് അയവു വന്നത്. ബസിന്റെ ചില്ലിനു നാശനഷ്ടം വരുത്തിയ മറ്റേ ബസ്സിലെ ജീവനക്കാരന് അമ്പലപ്പുഴ വടക്കു പഞ്ചായത്ത് കമ്പി വളപ്പുവിട്ടില് റിയാദി (21)ന്റെ പേരില് കേസെടുത്തു.
പ്രതികരിക്കാൻ ഇവിടെ എഴുതുക: