തോട്ടപ്പള്ളി: തോട്ടപ്പള്ളി ഹാര്ബറിന്റെ ശോച്യാവസ്ഥ പരിഹരിക്കാത്തതിനെതിരെ മാര്ച്ചും ധര്ണയും നടത്തി. ധീവരസഭ 59, 60, 61 കരയോഗങ്ങളുടെ നേതൃത്വത്തിലാണ് സമരം നടത്തിയത്.
പുന്തലയില് നിന്നും ആരംഭിച്ച മാര്ച്ച് ഹാര്ബര് എഞ്ചിനീയറിങ് വിഭാഗം ഓഫീസിനു മുന്നില് സമാപിച്ചു. തുടര്ന്ന് നടത്തിയ ധര്ണ താലൂക്ക് പ്രസിഡന്റ് കെ. പ്രദീപ് ഉദ്ഘാടനം ചെയ്തു. ന്യൂനപക്ഷങ്ങള് സംഘടിത ശക്തികൊണ്ട് അവകാശങ്ങള് നേടുമ്പോള് സമാധാനം ആഗ്രഹിക്കുന്ന മത്സ്യത്തൊഴിലാളികളെ സര്ക്കാര് അവഗണിക്കുകയാണെന്ന് അദ്ദേഹം ആരോപിച്ചു.
കരയോഗം പ്രസിഡന്റ് പ്രവീണ് പരമേശ്വരന് അദ്ധ്യക്ഷത വഹിച്ചു. സി. രാജു സ്വാഗതം പറഞ്ഞു. കരിമണല് ഖനനം ഐആര്ഇ നടത്താന് പാടില്ലെന്ന പ്രഖ്യാപനത്തോടെ യോഗം പിരിഞ്ഞു.
പ്രതികരിക്കാൻ ഇവിടെ എഴുതുക: