കോഴിക്കോട്: കോഴിക്കോട് സൈബര്പാര്ക്കില് ഹാക്കത്തോണിന് സമാപനമായി. രാജ്യത്തിന്റെ വിവിധ ഭാഗങ്ങളില് നിന്നെത്തിയ പ്രമുഖ കമ്പനി സിഇഒമാരും ഐടി വിദഗ്ധരും ഹാക്കത്തോണില് പങ്കെടുത്ത 24 ടീമുകള് അവതരിപ്പിച്ച ആശയങ്ങള് വിലയിരുത്തി വിജയികളെ തെരഞ്ഞെടുത്തു.
നിഹാസ് പി.എല്, സാനു കെ. സോമന്, ഷാന് കെ. പോള് എന്നിവരുടെ നേതൃത്വത്തിലുള്ള ടീം ‘കോഡ് റാക്ക്’ രൂപം നല്കിയ ‘റീഡ് ആന്ഡ് ഷെയര്’ എന്ന വെര്ച്വല് ലൈബ്രറി ആശയത്തിനാണ് ഹാക്കത്തോണില് ഒന്നാം സമ്മാനം ലഭിച്ചത്. ഒരു ലക്ഷം രൂപയും ഫലകവും അടങ്ങുന്നതാണ് ഒന്നാം സമ്മാനം. പഠനം എളുപ്പമാക്കാന് സഹായകവും സൗഹൃദപരവുമായ പഠനസഹായിയെന്ന ആശയം രൂപീകരിച്ച ‘നൈറ്റ്സ് വാച്ച്’ എന്ന ടീമാണ് രണ്ടാം സമ്മാനമായ 50,000 രൂപയ്ക്ക് അര്ഹരായത്.
തലച്ചോറിലെ തരംഗങ്ങള് ഗ്രഹിച്ചെടുക്കാന് കഴിയുന്ന സ്മാര്ട്ട് ഇയര് ഫോണ് എന്ന ആശയത്തിന് രൂപം നല്കിയ കുസാറ്റില് നിന്നുള്ള ‘എന്റാംഗ്ള്ഡ്’ എന്ന ടീമാണ് 25,000 രൂപയുടെ മൂന്നാം സമ്മാനം നേടിയത്. സൈബര്പാര്ക്കില് നടന്ന ചടങ്ങില് ഡോ. എം.കെ. മുനീര് എംഎല്എ, ജില്ലാ കളക്ടര് എന്. പ്രശാന്ത് ഐഎഎസ് എന്നിവര് ചേര്ന്ന് സമ്മാനങ്ങള് വിതരണം ചെയ്തു.
ജില്ലാ കളക്ടര് എന്. പ്രശാന്ത്, കൗണ്സിലര് എം.പി. സുരേഷ്, കേരള സ്റ്റേറ്റ് ഐടി മിഷന് ഡയറക്ടര് കെ. മുഹമ്മദ് വൈ. സഫിറുള്ള, എന്ഐടി കോഴിക്കോട് ഡയറക്ടര് ഡോ. ശിവാജി ചക്രവര്ത്തി, ബാംഗഌരിലെ ക്യുസം ടെക്നോളജീസ് സിഇഒ അവ്നീഷ് ദൂബേ തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: