പാട്ന: ബിഹാറിലെ ഗയയില് മാവോവാദികള് നടത്തിയ ആക്രമണത്തില് പത്ത് സിആര്പിഎഫ് ജവാന്മാര് കൊല്ലപ്പെട്ടു. സിആര്പിഎഫ് നടത്തിയ പ്രത്യാക്രമണത്തില് നാലു മാവോയിസ്റ്റുകളും കൊല്ലപ്പെട്ടിട്ടുണ്ട്.
ഗയയിലെ ചകര്ബന്ദ വനമേഖലയില് തിങ്കളാഴ്ച രാത്രിയാണ് മാവോയിസ്റ്റുകള് ബോംബാക്രമണം നടത്തിയത്.
സ്ഫോടനത്തിന് പിന്നാലെ സിആര്പിഎഫ് സംഘത്തിനു നേരെ മാവോയിസ്റ്റുകള് വെടിയുതിര്ത്തു. ആക്രമണത്തില് പരിക്കേറ്റ ആറ് ജവാന്മാരില് ചിലരുടെ നില ഗുരുതരമാണ്. ഇംപ്രൊവൈസ്ഡ് എക്സ്പ്ലോസീവ് ഡിവൈസ് (ഐ.ഇ.ഡി) ഉപയോഗിച്ചാണ് മാവോയിസ്റ്റുകള് സ്ഫോടനം നടത്തിയത്.
മാവോയിസ്റ്റുകളുടെ സാന്നിദ്ധ്യം ഉണ്ടെന്നറിഞ്ഞ് മേഖലയില് പരിശോധന നടത്തുന്നതിനിടെയാണ് ആക്രമണം. ആക്രമണ സ്ഥലത്തുനിന്ന് ആയുധങ്ങളും സ്ഫോടകവസ്തുക്കളും കണ്ടെടുത്തിട്ടുണ്ട്.
പ്രതികരിക്കാൻ ഇവിടെ എഴുതുക: