വടകര: വടകരയില് പോലീസ് നടത്തിയ കുഴല്പ്പണ വേട്ടയില് 11,75,000രൂപയുമായി കൊടുവള്ളി സ്വദേശി അറസ്റ്റിലായി.കൊടുവള്ളി തെക്കേ വെള്ളചാലില് അബ്ദുല് മജീദ്(42) നെയാണ് ഡി.വൈ.എസ്.പി പ്രദീഷ് തോട്ടത്തിലിന്റെ നേതൃത്വത്തിലുള്ള ഷാഡോ പോലീസ് അറസ്റ്റ് ചെയ്തത്.പോലീസിനു ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് നടപടി. വടകര റെയില്വേ സ്റ്റേഷനലിലാണ് സംഭവം. ഇന്റര് സിറ്റി എക്സ്പ്രസ്സില് നിന്ന് ഇറങ്ങി വരുമ്പോള് കാലത്ത് പതിനൊന്നരയോടെയാണ് പ്രതിയെ അറസ്റ്റ് ചെയ്തത്.പണം ബാഗില് സൂക്ഷിച്ച നിലയിലായിരുന്നു.ഏഴോളം പേര്ക്ക് പണം വിതരണം ചെയ്യാനുള്ള സ്ലിപ്പുകളും മൊബൈല് ഫോണുകളും പണവും പോലീസ് കസ്റ്റഡിയിലെടുത്തു.കൊടുവള്ളി കേന്ദ്രീകരിച്ച് നടക്കുന്ന കുഴല്പ്പണ വിതരണ ശൃംഖലയിലെ പ്രധാന കണ്ണിയാണ് പ്രതിയെന്ന് പോലീസ് പറഞ്ഞു.പ്രതിയെ ഇന്ന് കോടതിയില് ഹാജരാക്കിയ ശേഷം എന്ഫോഴ്സ്മെന്റിനു കൈമാറും.
പ്രതികരിക്കാൻ ഇവിടെ എഴുതുക: