കൊല്ലം: പെണ്ണുടലിനുചുറ്റും വട്ടമിടുന്ന കഴുകന്കണ്ണുകള്ക്കും അവര്ക്ക് കവചമൊരുക്കുന്ന നിയമക്കുരുക്കുകള്ക്കും അധികാരകേന്ദ്രങ്ങള്ക്കുമെതിരായ ശബ്ദമായി ഇരകള് പ്രദര്ശനത്തിന്.
വര്ദ്ധിച്ചുവരുന്ന സ്ത്രീപീഡനങ്ങളും ഇരകളായവരുടെ ബന്ധുക്കള് നീതിക്കായി നടത്തുന്ന അലച്ചിലും വിഷയമാക്കി അനില് കാവനാടും സുരേഷ് ചൈത്രവും തയ്യാറാക്കിയ ഇരുപത് മിനിട്ട് ദൈര്ഘ്യമുള്ള ഹ്രസ്വചിത്രമാണ് ഇന്നലെ പ്രസ്ക്ലബ് ഹാളില് ക്ഷണിക്കപ്പെട്ട സദസിനുമുന്നില് പ്രദര്ശിപ്പിച്ചത്. വഞ്ചനക്കിരയായി കൊല്ലപ്പെട്ട സഹോദരിയുടെ ദാരുണമരണത്തിന്റെ വേദനയുമായി അലയുന്ന സേതുവിന്റെ ജീവിതമാണ് കഥയുടെ കാമ്പ്.
കഥ, തിരക്കഥ, സംഭാഷണം, സംവിധാനം എന്നിവ നിര്വഹിച്ചിരിക്കുന്നത് അനില്കാവനാടും സുരേഷ് ചൈത്രവും ചേര്ന്നാണ്. പ്രസ് ഫോട്ടോഗ്രാഫര് കൂടിയായ സുരേഷാണ് നായകകഥാപാത്രത്തെ അവതരിപ്പിച്ചതും. അന്തരിച്ച ചാത്തന്നൂര് മോഹനനാണ് ഗാനരചന നിര്വഹിച്ചിരിക്കുന്നത്. ആലാപനം കേരളപുരം ശ്രീകുമാറാണ്. ക്യാമറ എഡിറ്റിങ് വിജിന് കണ്ണന്, അസോസിയേറ്റ് ഡയറക്ടര് ഷിജു പുത്തൂര്, സംവിധാനസഹായി അനന്തു എസ്.അരവിന്ദ്, ചമയം അനില് ചിറയിന്കീഴ്, കലാസംവിധാനം പ്രമോദ്. അഡ്വ. അഖില്രാജാണ് ചിത്രത്തിന്റെ നിര്മ്മാതാവ്. സുരേഷ് ചൈത്രത്തെ കൂടാതെ ജയകുമാര് കേശവന്, പ്രദീപ് കുരീപ്പുഴ. അഖില്രാജ്, സോണിവിദ്യാധരന്, രാധു, ദീജദീപ്തി എന്നിവരാണ് മറ്റ് കഥാപാത്രങ്ങളെ അവതരിപ്പിച്ചിരിക്കുന്നത്.
പ്രതികരിക്കാൻ ഇവിടെ എഴുതുക: