ആലപ്പുഴ: നാടകാചാര്യന് കാവാലം നാരായണപ്പണിക്കര്ക്ക് ഗുരുപൂജ അര്പ്പിച്ച വേള്ഡ് ഡ്രമാറ്റിക് സ്റ്റഡി സെന്റര് ആന്റ് ഫിലിം ഇന്സ്റ്റിറ്റ്യൂട്ടിന്റെ നേതൃത്വത്തില് വിവിധ പരിപാടികള് സംഘടിപ്പിക്കും. പുളിമൂട്ടില് ട്രേഡ് സെന്റര് ഓഡിറ്റോറിയത്തില് 24ന് വൈകിട്ട് മൂന്നിന് കേരള സംഗീത നാടക അക്കാദമി വൈസ് ചെയര്മാന് ടി.എം. എബ്രഹാം ഉദ്ഘാടനം ചെയ്യും. സെന്റര് ഡയറക്ടര് ആര്യാട് ഭാര്ഗ്ഗവന് അദ്ധ്യക്ഷത വഹിക്കും. ആലപ്പുഴ രാജശേഖരന് നായര് ആമുഖപ്രഭാഷണം നടത്തും.
കാവാലത്തിന് ഗുരുപൂജ അര്പ്പിച്ചുള്ള സംഗീതാര്ച്ചന അംബരന് കാവാലവും കാവാലം നാടകങ്ങളുടെ ഫോട്ടോ പ്രദര്ശനോദ്ഘാടനം ഹരികൃഷ്ണന് കാവാലവും ഗുരുപൂജാ പതിപ്പ് സ്മരണികയുടെ പ്രകാശനം സജി കാവാലവും നിര്വ്വഹിക്കും. ആര്ട്ടിസ്റ്റ് സിറിള് ഡൊമിനിക് ആദ്യകോപ്പി ഏറ്റുവാങ്ങും.
നാടക സെമിനാറില് സംസ്കൃത നാടകാവതരണങ്ങളില് കാവാലത്തിന്റെ പ്രസക്തി എന്ന വിഷയത്തില് ആലപ്പുഴ രാജശേഖരന് നായരും കാവാലം നാടകങ്ങളുടെ ജനകീയ പശ്ചാത്തലം എന്ന വിഷയത്തില് ടി.വി. സാമ്പശിവനും വിഷയാവതരണം നടത്തും. ബി. ജോസുകുട്ടി, കിച്ചു, അഭയന്, വിനോദ്, സുകു, തോമസ്, രുദ്ര എന്നിവര് ചര്ച്ചയില് പങ്കെടുക്കും. കാവാലം കവിതകളുടെ ആലാപനം ഫിലിപ്പോസ് തത്തംപള്ളി നിര്വ്വഹിക്കും.
പ്രതികരിക്കാൻ ഇവിടെ എഴുതുക: